Inauguración do Nadal en Poio 2004 | Concello de Poio

Poio pospón a festa de inauguración do Nadal para o domingo, pero promete unha noite máxica e con moitas sorpresas

29 Novembro 2025

  • O Concello de Poio traslada a inauguración do Nadal ao domingo 30 de novembro (18.30h, Praza do Mosteiro), ante a previsión de choivas intensas para a noite do sábado.
  • As persoas usuarias da asociación Down-Xuntos Pontevedra protagonizarán o acendido das luces.

A maxia do Nadal terá que agardar un pouco máis en Poio. A previsión de choivas intensas o sábado obriga ao Concello a aprazar a inauguración ata o domingo, día 30, coa intención de garantir que veciñanza e visitantes poidan gozar dunha celebración especial e chea de emoción.

Será na Praza do Mosteiro, a partir das 18.30 horas, cunha festa que incluirá música, numerosas sorpresas, animación e a tradicional conta atrás para o acendido das luces.

Este ano, o acendido será protagonizado polas persoas usuarias da Asociación Down Pontevedra – Xuntos, nunha iniciativa coa que o Goberno local quere recoñecer e visibilizar o traballo desenvolvido por esta entidade para apoiar e mellorar a calidade de vida das persoas con discapacidade e das súas familias, entre as que se atopan veciños e veciñas do municipio.

Coa inauguración do Nadal na Praza do Mosteiro, abriranse tamén ao público as sete Aldeas de Nadal repartidas por todo o municipio, que desde hai dous anos se teñen consolidado como puntos de encontro para as familias. Estarán situadas na contorna dos muíños de Samieira, no parque de Lourido, no Adro de San Salvador, na Praza da Chousa de Combarro, no porto de Raxó, na Praza da Granxa de Campelo e na contorna da Igrexa de San Martiño.

A programación do Nadal promete sorprender, emocionar e encher de vida todas as parroquias do municipio. Este ano, a maxia vén protagonizada polos Elfos do Nadal de Poio, simpáticos personaxes que percorrerán as distintas parroquias para sorprender a veciños e visitantes e convidar a sumarse ao espírito festivo destas datas. Os Elfos e as pequenas trasnadas que protagonizarán converteranse nun dos principais reclamos desta tempada, garantindo experiencias únicas nas sete Aldeas de Nadal distribuídas por todo o municipio.

Eles serán o fío condutor para que cada Aldea sexa un lugar máxico con animación, música e bailes especiais da man de Javi Solla e Tere, completándose con actividades de animación na rúa organizadas por diferentes colectivos, como teatro, batucadas, obradoiros, contos, panxoliñas, música ou mesmo un anticipo das badaladas de fin de ano. Todas as datas e lugares pódense consultar nas redes sociais do Concello de Poio e na súa páxina web.

Na Seca, instalarase de novo a carpa Poio Máxico, que será escenario de obradoiros, zona de xogos e das actuacións máis destacadas desta tempada, como o espectáculo internacional Pica Pica, Os Tres Porquiños, Gramola Gominola, sesións de maxia con Iago Saavedra, Óscar Fernández e o Mago Paco, A Pirata Lola ou a Aldea Musical do Nadal con Nelson Quinteiro. Todas estas actividades serán gratuítas e pensadas para todos os públicos, garantindo a igualdade de oportunidades.

Ademais, a programación inclúe Mercado de Nadal na Praza da Chousa en Combarro, a tradicional papanoelada moteira polas estradas do municipio, a carreira San Silvestre, a visita de Papá Noel ás parroquias e, con respecto aos Reis Magos, este ano repetiran experiencia con dobre parada: o día 5 para visitar todas as parroquias e o 6 para despedirse de todos os nenos de Galicia desde Poio, cunha cabalgata participativa que rematará cunha gran festa de animación infantil no entorno da Carpa Poio Máxico.

Está pasando!

sáb29nov09:45'Momento Calma' en PontevedraForo da Muller e Benestar na Peri e Menopausa09:45 Pontevedra

sáb29novConsultarXVIII Culturgal en PontevedraDo 28 ao 30 de novembro de 2025(Consultar: sábado) Pontevedra

sáb29novConsultarInauguración do Nadal de PoioAcendido protagonizado pola Asociación Down Pontevedra – Xuntos(Consultar: sábado) Poio

sáb29nov18:00Acendido de luces de Nadal 2025 en Vilagarcía'nadalízate'18:00 Vilagarcía de Arousa

VER MÁIS AXENDA