Presentación da Costa Atlántica MTB Tour | © Concello de Pontevedra

Volve a Costa Atlántica MTB Tour cun percorrido de luxo que combinará montaña e contorna urbana

5 Setembro 2023

A organización agarda a participación de máis de 150 ciclistas nunha proba que continúa a celebrarse un ano máis na contorna da Boa Vila

A concelleira de Deportes de Pontevedra, Anabel Gulías, participou este martes, 5 de setembro, na presentación da proba ciclista Costa Atlántica MTB Tour, que se desenvolverá na contorna da cidade de Pontevedra ao longo dos días 8, 9 e 10 de setembro.

Durante a comparecencia tamén se contou coa presencia de María Ramallo, representando á Deputación de Pontevedra; Juan Carlos Muñiz, presidente da Federación Galega de Ciclismo; e o o responsable da firma Global DXT, Josevi Cimadevila.

A Costa Atlántica MTB Tour, aparece no calendario como a única proba de Galicia de MTB por etapas, e contará con máis de 150 participantes na súa saída. Os ciclistas poden competir de forma individual ou en parellas, conformándose múltiples categorías por idades.

O resumo das tres etapas é o seguinte:

ETAPA CRONO – Con saída na Praza de España e Chegada na Praza de Santa María, esta crono urbana de 3 km, percorre o centro da cidade, deixando unha espectacular estampa. Os corredores teñen dende as 19:30 horas, unha hora para poder testear o circuito é ás 20:30 horas comeza a proba, na que en grupos de 3 ou 4 corredores e cun espazo de 1 minutos entre cada tanda, terán que tentar facer o menor tempo posible. Subidas, baixadas, escaleiras, zonas ratoneiras, etc é o que amosa este espectacular circuito. Unha vez finalizada a proba, entregaranse na Praza da Ferrería ás 21:30 horas, os maillots de líder de cada unha das categorías.

ETAPA 2 – Etapa que sae ás 9:00 horas dende a praza da Ferrería. Conta con 81 km e 1800 metros de acumulado positivo. Unha etapa costeira que comeza subindo o monte Castrove para levarnos cara a Meaño, nunha espectacular baixada pola súa ruta dos muiños. Dende Meaño, e pegados á costa, a proba dirixirase cara a Cambados, deixando estampas espectaculares da nosa ría. En Cambados, seguindo a marxe do río, a proba diríxese por sendeiros cara Ribadumia, para subir pola ruta da Pedra da Auga, na que as costas de subida serán pronunciadas ata chegar o Mosteiro de Armenteira. Dende aquí, o participante dirixirase novamente cara o Castrove para poder pouco a pouco acercarse novamente a Pontevedra. Estímase que os primeiros participantes en cruzar a liña de meta, sobre as 12:15 horas. Xa na meta, os participantes poderán recibir unha masaxe e tamén desfrutar da “callos party” que ten preparada a organización. Ás 14:30 horas, realizarase a entrega de trofeos ós gañadores da etapa e os maillot de líder.

ETAPA 3 – Novamente os participantes sairán da Praza da Ferrería ás 9 da mañá, e neste caso dirixiranse ó lago Castiñeiras. A etapa é de 65 km con 1600 metros de desnivel acumulado positivo. Esta é unha etapa mais técnica, chea de sendeiros tanto de subida e de baixada e cunhas espectaculares vistas á ria. É unha etapa de puro MTB na que a pesar de ser mais curta, espérase a chegada dos primeiros participantes ás 12:15 da mañá. As vistas á ría dende o banco de Pastoriza, a Cruz de Hermelo, a subida ó monte Paralaia, o Lago Castiñeiras, son algúns dos espectáculos que poderán desfrutar os participantes. Unha vez rematada a etapa, poderán desfrutar dos servizos da etapa anterior é as 14;30 da entrega de prezos tanto da etapa como da xeral.

A concelleira de Deportes, Anabel Gulías, agradeceu a presencia da Deputación, da Federación Galega e da organizadora do evento na presentación, lembrando que é «un pracer» poder participar e colaborar na realización desta proba deportiva.

«Sempre que se fala de deporte falamos de beneficios: económicos, turísticos, para a saúde… Trátase dun evento que se fai en Pontevedra porque temos a cidade preparara para o deporte», indicou a edil. «Namentres traballemos con este modelo urbamo en concreto facilitaremos todas as actividades deportivas que pasen non só polos arredoes, senón polo centro da cidade».

Está pasando!

dom22decConsultarSanxenxo no Nadal 2024Do 29 de novembro de 2024 ao 6 de xaneiro de 2025(Consultar: domingo) Sanxenxo

dom22decConsultarMercado de Nadal en Salvaterra de Miño20, 21 e 22 de decembro de 2024(Consultar: domingo) Salvaterra de Miño

dom22decConsultarVive o Nadal 2024 en Salvaterra de MiñoDo 8 de decembro de 2024 ao 5 de xaneiro de 2025(Consultar: domingo) Salvaterra de Miño

dom22decConsultarNadal Marín 2024Do 5 de decembro de 2024 ao 5 de xaneiro de 2025(Consultar: domingo) Marín

VER MÁIS AXENDA