A Banda da Agrupación Musical do Rosal presenta o ciclo “O Rosal Cámara Fest”

11 Agosto 2020

A Banda da Agrupación Musical do Rosal adapta o seu tradicional Festival de Músicos Xoves á nova realidade que trouxo a crise sanitaria por mor da COVID-19. Ante a imposibilidade de xuntar nun mesmo espazo e mantendo a distancia de seguridade, a agrupación decidiu modificar o formato deste festival que se viña celebrando dende hai xa 30 anos para seguir levando a música a cada recuncho do municipio rosaleiro.

Para conseguilo, a dirección decidiu formar grupos reducidos de músicos que durante os meses posteriores ao levantamento do estado de alarma ensaiaron diferentes repertorios. Nacen así 6 ensembles instrumentais que toman o seu nome homenaxeando a personaxes senlleiras na historia da Agrupación Musical, como Pepe Flores, José Vicente Simeó, Nani Matos ou Emilio Rodríguez. A estes grupos hai que sumar o grupo de cámara formado polo alumnado máis novo da escola de música e o grupo de clarinetes ‘Klason’.

Así, a Agrupación contando coa colaboración co Concello do Rosal, programa un ciclo de dez concertos repartidos polas distintas parroquias do concello, cos que levar a súa música á veciñanza rosaleira mantendo sempre as medidas de seguridade ás que obriga a actual situación sanitaria.

Os concertos concéntranse na segunda e terceira semana de agosto, comezando o martes 11 no campo de balonmán de Novás e rematando o sábado 22 cun concerto na Praza do Calvario, conmemorando así o día no que se tería celebrado o Festival de Músicos Xoves.

Concertos:

  • Martes 11, 21:00 h. no Campo de balonmano Novás. Brass Band “José Vicente Simeó”.
  • Mércores 12, 21:00 h. na Iglexa Parroquial de O Calvario. Quinteto de Metáis “Alfonso Ulloa”.
  • Xoves 13, 21:00 h. no Torreiro de San Xián. Grupo de Saxos “Emilio Rodríguez”.
  • Venres 14, 21:00 h. en la Iglesia Parroquial de O Calvario. Ensamble de Ventos “Nani Matos”.
  • Sábado 15, 21:00 h. na praza de O Calvario. Ensamble de Madeira “Pepe Flores”.
  • Domingo 16, 22:00 h. na alameda de San Miguel. Grupo de Saxos “Emilio Rodríguez” e Grupo de Clarinetes Klason.
  • Martes 18, 21:00 h. na Adega Lagar de Cervera deFornelos. Ensamble de Madeira “Pepe Flores”.
  • Sábado 22, 21:00 h. na praza de O Calvario. Brass Band “José Vicente”.

CARTAZ O ROSAL CÁMARA FEST

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA