Presentación da campaña “100% Gastronomía das Rías Baixas” | Deputación de Pontevedra

A Deputación de Pontevedra activa a campaña “100% Gastronomía das Rías Baixas”, coa que promocionará con food trucks as festas gastronómicas de interese turístico na provincia

21 Maio 2025

A institución provincial destinará preto de 280.000 € á contratación desta campaña, que achegará ata 366 degustacións aos 61 concellos da provincia “para promocionar e poñer en valor a nosa gastronomía”

A Xunta de Goberno da Deputación de Pontevedra acaba de dar luz verde á campaña “100% Gastronomía das Rías Baixas”, unha acción de promoción das festas gastronómicas de interese turístico da provincia empregando food trucks, á que destina preto de 280.000 euros. O obxectivo, como explicou o vicepresidente provincial, Rafa Domínguez, é “promocionar e poñer en valor a nosa gastronomía nos 61 concellos da provincia”.

Desta maneira, a Deputación habilitará tres food trucks que farán tres rutas diferentes, polo norte, centro e sur da provincia. Nos percorridos realizarán degustacións a base dos menús que elaboran nestas festas gastronómicas, que son 25 entre as de interese turístico galego, nacional e internacional que se desenvolven na provincia. En total, promoveranse 366 degustacións en formato de pinchos ao longo de cinco meses para o público asistente.

Trátase, tal e como confirmou o vicepresidente provincial, “dun novo programa co que queremos seguir promocionando o noso, a nosa gastronomía que tantas alegrías nos dá. Porque como recollemos na nosa Estratexia Rías Baixas Turismo 61, a gastronomía é o fío condutor perfecto para vertebrar e unir a todos os concellos da provincia como un destino común”.

Está pasando!

mér21maiConsultar'Maio, mes da lingua' en PontevedraConcello de Pontevedra(Consultar: mércores) Pontevedra

mér21maiConsultarFestas de Santa Rita 2025 en VilagarcíaDo 21 ao 25 de maio de 2025(Consultar: mércores) Vilagarcía de Arousa

mér21maiConsultarXXII Festival de Cans Rías Baixas Film Fest(Consultar: mércores) O Porriño

mér21maiConsultarXIV Sanxenxo Degusta TapasDo 16 de maio ao 1 de xuño de 2025(Consultar: mércores) Sanxenxo

VER MÁIS AXENDA