A Deputación pecha este mércores no Museo de Pontevedra o ciclo ‘Ao Son do Piano’, cun concerto de Rafa Fernández Cuarteto

24 Marzo 2025

O grupo formado por Rafa Fernández, Bleuenn Lefriecc, Benxamín Otero e Álex Salgueiro móvese entre a música ambiental e a contemporánea e actuará o mércores ás 19:00 horas no Edificio Castelao. O acceso é libre ata completar a capacidade

O Museo de Pontevedra pecha este mércores a segunda edición de ‘Ao Son do Piano’, un ciclo de concertos acústicos de música clásica contemporánea arredor do piano de cola do Museo.

Logo da actuación de Suelen Estar Quartet o pasado sábado, é a quenda de Rafa Fernández Cuarteto, que actúa o mércores 26 ás 19:00 h no Edificio Castelao, con acceso libre ata completar a capacidade.

O guitarrista noiés Rafa Fernández lidera un cuarteto completado pola arpa de Bleuenn Lefriecc, o óboe e o corno inglés de Benxamín Otero e o piano e os sintetizadores de Álex Salgueiro.

Xuntos ofrecen unha exquisita mestura de sonoridades acústicas coma eléctricas, nun contexto de música ambiental e contemporánea, xéneros nos que este guitarrista leva máis de dez anos sendo unha das súas principais figuras no territorio galego.

Neste concerto repasaranse temas de traballos discográficos como ‘Aldán’ ou ‘A cara bonita da pedra’, así como músicas escritas para diferentes proxectos audiovisuais cos que este músico percorreu gran número de escenarios na súa longa traxectoria.

Está pasando!

mér02abrConsultarXXVI Salón do Libro Infantil e Xuvenil de Pontevedrado 21 de marzo ao 6 de abril de 2025(Consultar: mércores) Pontevedra

mér02abr21:00'Carmina Burana' de Carl Orff e 'Réquiem' de Mozart en VigoGran Orquesta Filarmónica de Minsk e Coro da Filarmónica de Chisináu21:00 Vigo

xov03abrConsultarII Ruta Pinchoterra en Salvaterra de Miñotodos os xoves e venres de abril(Consultar: xoves) Salvaterra de Miño

xov03abrConsultarven25abrII Ruta Pinchoterra en Salvaterratodos los jueves y viernes de abril(Consultar) Salvaterra de Miño

VER MÁIS AXENDA