A Praza do Calvario convértese nun escenario de misterio co primeiro Escape Room Musical ao aire libre do Rosal

28 Agosto 2025

A Praza do Calvario transformarase nun lugar cheo de enigmas, notas musicais e maxia.

O vindeiro sábado 30 de agosto ás 19.00 horas, o público poderá desfrutar do primeiro Escape Room Musical ao aire libre do Rosal, unha aventura onde a música será a chave para resolver misterios e descubrir segredos agochados entre as rúas.

Non é necesario ter coñecementos musicais previos para desfrutar desta experiencia.

A actividade, organizada pola Agrupación Musical do Rosal dentro do programa ‘O Rosal Cámara Fest’ en colaboración co Concello do Rosal, promete converter o corazón da vila nun taboleiro de xogo cheo de sorpresas.

Trátase dunha experiencia gratuíta e aberta, recomendada para adultos e maiores de 12 anos, aínda que tamén poden participar nenos e nenas acompañados dunha persoa adulta.

Durante aproximadamente 1 hora, os equipos deberán deixar voar o seu enxeño para superar retos e probas onde a música se mestura co misterio, facendo do xogo unha auténtica viaxe de fantasía.

Ademais, haberá un agasallo para os mellores equipos resolvendo o xogo, un incentivo máis para deixarse levar polo misterio e a música.

Para participar é indispensable que as e os interesados leven teléfono móbil con batería e conexión a internet. Recoméndase ademais levar calzado e roupa cómoda para desfrutar do escape room.

Aínda que a actividade é de balde, é obrigatoria a inscrición previa a través deste formulario en liña.

As prazas son limitadas, polo que se recomenda reservar canto antes para non quedar fóra desta experiencia irrepetible.

Está pasando!

xov28agoConsultarSanxenxo Verán 2025Actividades culturais e festivas para o verán(Consultar: xoves) Sanxenxo

xov28agoConsultarVisitas guiadas por PontevedraTurismo de Pontevedra(Consultar: xoves) Pontevedra

xov28agoConsultarFestas patronais de Sanxenxo 2025Do 24 de agosto ao 5 de setembro de 2025(Consultar: xoves) Sanxenxo

xov28agoConsultarFesta do Mar de Combarro 2025do 28 ao 31 de agosto de 2025(Consultar: xoves) Poio

VER MÁIS AXENDA