Lérez Up 2024 | Gaming Troop

Entradas xa á venda para a Lérez Up 2025, con cosplay, torneos, xogos de mesa, e moito máis

1 Xullo 2025

O Salón do videoxogo e da cultura friki de Pontevedra, Lérez Up, xa ten data, gran parte da súa programación anunciada e entradas á venda. A cita será os días 13 e 14 de setembro no Recinto Feiral da cidade e contará de novo coa colaboración do Concello de Pontevedra e da asociación Gaming Troop.

O evento confirma unha edición chea de propostas para todos os públicos, que van desde torneos de videoxogos ata cosplay, xogos de mesa, actividades de cultura xaponesa e máis. Un ano máis, Lérez Up consolídase como un punto de encontro para toda a comunidade friki e gamer de Galicia e do norte peninsular.

Un dos pratos fortes volverá ser o concurso de cosplay, que contará cun xurado profesional de excepción, agora completo: ás xa confirmadas Skullcaramel e Puchiluh súmase Antifta, pechando un trío de expertas que valorarán as caracterizacións e actuacións sobre o escenario diante de 300 persoas.

A zona de xogos de mesa regresa da man da asociación Rotting Pizza con máis contido que nunca: haberá xogo libre, torneos de Catan, Warcrow e Punkapocalyptic (dous xogos de miniaturas de temáticas de fantasía e post-apocalipsis), un taller de pintura, un espazo de prototipos de xogos e creadores emerxentes, e tamén mesas de rol para mergullarse neste tipo de partidas.

Na zona Idol Games, o público poderá participar en xogos de adiviñanzas como audiotrivial, bingotaku, adiviña a personaxe, ou karaoke libre, e moitas sorpresas máis pensadas para a comunidade friki.

Un ano máis, participa a asociación pontevedresa Pontelabs, que promove a filosofía maker. Traerán ao salón algúns dos seus proxectos feitos con impresoras 3D e ofrecerán un taller para pintar figuras Pokémon, unha actividade pensada para público familiar e amante da personalización.

Repiten asistencia tras o seu paso en anos anteriores Escuadrón SAS cunha zona temática do universo Star Wars, onde o público poderá construír o seu sabre de luz, aprender técnicas de combate Jedi e participar en duelos e torneos intergalácticos.

A programación de videoxogos complétase cunha ampla lista de torneos oficiais, que inclúe títulos tan esperados como Mario Kart World (na nova Nintendo Switch 2), Fortnite, League of Legends, Valorant, Super Smash Bros Ultimate, Just Dance e Tekken 8. As inscricións para o torneo nacional de Smash Bros Ultimate tamén seguen abertas, mantendo este clásico como unha das citas máis esperadas polos xogadores.

A resposta do público non se fi xo agardar: as solicitudes para os stands de artistas triplicaron as prazas dispoñibles e en tan só 3 minutos esgotáronse todas as mesas ofertadas, facendo de este espazo, destinado a ilustradores e artesáns, un dos máis demandados do evento. Nas vindeiras semanas daranse a coñecer os nomes os artistas seleccionados nesta zona.

As entradas para a Lérez Up 2025 xa están dispoñibles na web de Percalandia, e todas as actualizacións poden seguirse a través das redes sociais de Gaming Troop e da páxina web oficial do evento, e ainda queda moita programación por anunciar!

Está pasando!

mar01xulConsultarVisitas guiadas por PontevedraTurismo de Pontevedra(Consultar: martes) Pontevedra

mar01xulConsultar42 Mostra Internacional de Teatro Cómico e Festivo de CangasDo 22 de xuño ao 6 de xullo de 2025(Consultar: martes) Cangas

mar01xulConsultarOrgullo PTV+ 2025'nin un paso atrás, nin unha letra menos' (Consultar: martes) Pontevedra

mar01xul18:00Visitas guiadas ás salas de Castelao no Museo de Pontevedra75 aniversario do pasamento de Castelao18:00 Pontevedra

VER MÁIS AXENDA