Concerto de Tomas Merlo & SPJ Group

sáb05abr21:00Concerto de Tomas Merlo & SPJ GroupCiclo 'Jazz no Principal'21:00 Teatro Principal de Pontevedra - Pontevedra

Detalles do Evento

Pontevedra volve ter unha cita co jazz nun dos escenarios privilexiados da cidade. O Seminario Permanente de Jazz (SPJ) organiza, en colaboración co Concello de Pontevedra, unha nova edición de ‘Jazz no Principal’, un ciclo de concertos iniciado no ano 2004.

Nesta edición, o lendario músico Jaco Pastorius será homenaxeado a través dun concerto tributo da man de Tomás Merlo e o SPJ Group, que se celebrará o sábado 5 de abril, ás 21 horas no Teatro Principal de Pontevedra. 

Doutra banda, o sábado 12 de abril, á mesma hora, Pablo Martín Caminero e o SPJ Group ofrecerán un concerto de alta calidade.

En ambos os dous espectáculos, a entrada xeral terá un prezo de 3 euros, e poderá adquirirse unha hora antes da apertura de portas, ou a través de Ataquilla.com ou no teléfono 902 504 500.



Tomás Merlo; baixista, stickista, arranxista e compositor nado en Palma de Mallorca en 1980. É un experimentado e reputado músico de proxección internacional que actuou e xirou por todo o mundo xunto a grandes artistas como Joan Manuel Serrat, Michael Brecker, Jerry González, Concha Buika, Federico Lechner, Rez Abassy e un longo etc. Gravou discos con Patax, Vanesa Martín, Israel Sandoval, Hugo Fernández, Nacho Aldeguer, The Tribulettes, Retro Band Systems, Iñaki Arakistain etc

Tamén gravou o seu propio disco en solitario en 2013 co seu proxecto Tomás Merlo & The Freepunk Ensemble “Vendeta” baixo o selo “Youkali Music”. En xaneiro de 2021 editou o seu segundo traballo discográfico titulado “Crise” publicado polo selo Youkali Music no que Tomás fai gala do Chapman Stick e acompáñanlle músicos de proxección internacional.

Foi membro de varios musicais, dúas producións de Antonio Banderas, A Chorus Line e Company así como baixista titular durante dúas tempadas da produción de Disney “Aladdin”

Actualmente é profesor do Centro Superior Música Creativa e dirixe dous proxectos dedicados á música do baixista Jaco Pastorius. A Jaco Pastorius Tribute Big Band e o Jaco Pastorius Legacy 5tet cos cales estará a xirar en 2025.

Hora

(Sábado) 21:00

Localización

Teatro Principal de Pontevedra

Rúa Paio Gómez Charino, 6, 36002 Pontevedra

Está pasando!