'El Lago de los Cisnes' do Ballet Clásico Internacional en Pontevedra

mér15xan20:30'El Lago de los Cisnes' do Ballet Clásico Internacional en Pontevedra Ballet Clásico Internacional20:30 Auditorio Sede Afundación - Pontevedra

Detalles do Evento

‘El Lago de los Cisnes’, a xoia do ballet clásico universal, mergúllanos nunha fascinante historia sobre o eterno conflito entre o ben e o mal.

Despois de celebrar o seu vixésimo primeiro aniversario, o príncipe Siegfried entra nun bosque onde coñece a Odette, unha princesa cisne enfeitizada polo malévolo Rothbart. Siegfried promételle amor incondicional, pero cae nun cruel engano e acaba xurándolle o seu amor ao Cisne Negro. Despois de recoñecer o seu erro fatal, volve ao bosque en busca da súa amada.

O Ballet Clásico Internacional é unha proposta artística de Tatiana Solovieva Producciones, que leva 30 anos compartindo con España os mellores espectáculos, respectando e honrando a fermosa tradición do ballet clásico. As súas producións foron amplamente recoñecidas pola súa calidade, con tres premios ao Mellor Espectáculo de Danza no Teatro de Rojas de Toledo (2013, 2015 e 2018) e o Premio ao Mellor Espectáculo de Danza de Vigo en 2008, ambos elixidos por votación popular.

Cun impresionante deseño escénico de Evgeny Gurenko e bailaríns de renome mundial, o Ballet Clásico Internacional ofrécenos a delicadeza de ‘El Lago de los Cisnes’, a fantástica historia de Nadal de ‘El Cascanueces’ e a doce ‘Bella Durmiente’, coa marabillosa música de P. Tchaikovsky e tamén fráxil ‘Giselle’, coa música de A. Adam.

Os bailaríns teñen unha impecable traxectoria artística recoñecida en todo o mundo. Conseguiron emocionar ao público de todos os continentes, desde China ata Estados Unidos, incluíndo Rusia, Ucraína, Moldavia, Hungría, Austria, Australia, Nova Zelanda, Chipre, Francia, España…

Este espectáculo está producido en colaboración con European Classical Ballet (Royal Czech Ballet) e Milan Ballet (Italia).

Entradas anticipadas á venda dende 31,32 euros en Ataquilla