This is a repeating event14 novembro 2025

Festival Underfest Xacobeo 2025 en Vigo

sáb15novConsultarFestival Underfest Xacobeo 2025 en Vigo14 e 15 de novembro de 2025(Consultar: sábado) Concello de Vigo - Vigo

Detalles do Evento

O Festival Underfest Xacobeo regresa aos principais escenarios de Vigo os días 14 e 15 de novembro coa súa oitava edición, convertido en cita de referencia do outono musical galego.

O festival mantén a súa aposta por ofrecer un formato especial e coidado, cunha oferta musical variada nun cartel que aglutinará como sempre distintos estilos.

Grazas ao apoio de Xunta de Galicia, Xacobeo, Diputación de Pontevedra e Estrella Galicia, un ano máis os organizadores continúan co empeño de realizar en Vigo o festival que a cidade merece, fóra das repetidas propostas comerciais e apoiando a salas de concertos e recintos que ofrecen música en directo durante todo o ano, poñendo en valor os principais escenarios da cidade, xunto a outros espazos singulares. E como sempre con artistas internacionais, nacionais e o mellor talento local.

Underfest Xacobeo foi premiado en 2024 como “Best Indoor Festival” nos Iberian Festival Awards, que seleccionan a algúns dos mellores festivais que levan a cabo en España e Portugal, consolidándose así como unha das propostas máis valoradas por prensa, público e profesionais do sector, e cunha das programacións máis especiais e diferenciadas das que se realizan en Galicia.

Os Abonos Xerais, como en anteriores edicións, permitirán o acceso a toda a programación deste ano.