Mostra 'Castelao grafista (facsímile)' en Tomiño

mér21febConsultardom17marMostra 'Castelao grafista (facsímile)' en Tomiñoafundación - obra social abanca(Consultar) Mercado Municipal de Tomiño - Tomiño

Detalles do Evento

Caricaturista, debuxante, ilustrador, columnista, escritor, pintor, escenógrafo, ensaísta, historiador, etnógrafo, teórico, político, Alfonso Daniel Rodríguez Castelao (Rianxo, A Coruña, 1886 – Bos Aires, 1950) constitúe o foco desta mostra que reúne unha ampla selección das súas múltiples facetas. Con este proxecto de difusión internacional, Afundación divulga a obra e o pensamento dun dos creadores galegos máis singulares, en países dos cinco continentes ao longo dos últimos anos.

Agora, dentro do programa ‘Corrente Cultural’, Afundación leva esta exposición a cada punto da nosa xeografía para que toda a poboación sexa coñecedora e goce das súas creacións e das súas inmensas achegas á nosa historia máis recente.

A mostra, comisariada por Miguel Fernández-Cid, reúne 19 facsímiles da Colección de Arte Afundación e 89 debuxos do álbum ‘Cousas da vida’ de Castelao, dos que 49 pertencen á Colección de Arte ABANCA, xunto con obras procedentes doutras institucións, galerías e particulares. Ademais, o público poderá desfrutar de 3 retratos fotográficos, 4 caricaturas e 17 debuxos e portadas de revistas, ler o texto orixinal do álbum Nós e contemplar 2 manuscritos de Castelao, 18 portadas das primeiras edicións dos seus libros, 3 páxinas interiores, 14 portadas de libros ilustradas por Castelao e 3 debuxos.

Visitable do 21 de febreiro ao 17 de marzo no Mercado Municipal de Tomiño, de martes a domingo, en horario de 09:00 a 14:00 horas e de 19:00 a 22:00 horas.

Organizada pola Fundación Gonzalo Torrente Ballester, a Real Academia Galega de Belas Artes e Turismo de Galicia – Xunta de Galicia, a exposición ‘Castelao grafista (facsímil)’ é o proxecto máis ambicioso para dar a coñecer e difundir a obra e o pensamento de Castelao nos cinco continentes.

Esta exposición enmárcase en ‘Cultura por Alimentos’, unha iniciativa de Afundación a favor de FESBAL (Federación Española de Bancos de Alimentos). Accede e colabora doando algún alimento non perecedoiro que irá destinado ao banco de alimentos local.