Proxección de ‘Honeymoon’ en Vilagarcía

dom28xul20:30Proxección de ‘Honeymoon’ en Vilagarcíaciclo de cine 'fantasio na rúa'20:30 Concello de Vilagarcía de Arousa - Vilagarcía de Arousa

Detalles do Evento

O domingo 28 de xullo o programa ‘Fantasio na Rúa’ que organiza a Concellería de Xuventude de Vilagarcía de Arousa, chega a Rubiáns con ‘Honeymoon’, película dirixida por Enrique Otero e protagonizada por Javier Gutiérrez e Nathalie Poza.

Como no resto do ciclo, as proxeccións de ‘Fantasio na Rúa’ son gratuítas, sobre unha pantalla led, que permitirá que na maioría dos casos se poidan exhibir a partir das oito e media da tarde, como continuación a unha probable xornada de praia ou outro tipo de ocio.

SINOPSE

Un matrimonio en destrución, Eva (Nathalie Poza) e Carlos (Javier Gutiérrez), recibe a noticia de que o seu fillo Jonás, que era o único que os mantiña unidos, acaba de morrer nun accidente a miles de quilómetros de casa durante unha visita aos avós paternos.

Sen recursos para traer de volta a Jonás, pero sen corazón para non facelo, tratarán de conseguir a calquera prezo o diñeiro que necesitan para recuperar o corpo do seu fillo.

‘FANTASIO NA RÚA’

Durante un mes e con catorce cintas, o ciclo ‘Fantasio na Rúa’ levará o cine a todos os cascos urbanos, pero tamén aos barrios e parroquias e sempre o a aire libre. A xira comeza na noite do martes 16 de xullo nos xardíns de Ravella e concluirá o mércores 14 de agosto, en plenas festas de San Roque, con ‘Pinocho’, de Guillermo del Toro, en Cea.

A programación do ciclo ‘Fantasio na Rúa’ é a seguinte:

‘Barbie’ | 16 de xullo | 22.00h | Praza de Ravella

‘O Mostro Mariño’ | 17 de xullo | 20:30h | Os Duráns

‘¡Vaya Vacaciones!’ | 24 de xullo | 22:00h | As Pistas

‘¡Salta!’ | 25 de xullo | 22:00h | Vilaxoán

‘Amigos hasta la muerte’ | 26 de xullo | 22:00h | Trabanca Badiña

‘¡Canta 2!’ | 27 de xullo | 22:00h | Praia de Bamio

‘Honeymoon’ | 28 de xullo | 20:30h | Rubiáns

‘+Cuñados’ | 30 de xullo | 20.30h | Praia de A Covacha de Carril

‘O ascenso das Tartarugas Ninja’ | 1 de agosto | 20:30h | O Sixto

‘Dragones y Mazmorras: Honor entre ladrones’ | 5 de agosto | 22:00h | Parque da Coca

‘A elefanta do mago’ | 6 de agosto | 20:30h | Sobradelo

‘O dragón de papá | 11 de agosto | 20:30h | Cornazo

‘As Neves’ | 12 de agosto | 22:00h | Parque da Xunqueira

‘Pinocho de Guillermo del Toro’ | 14 de agosto | 22:00h | Cea