Proxección de ‘Vermiglio’ en Pontevedra

mar29abr20:30Proxección de ‘Vermiglio’ en PontevedraCineclube Pontevedra20:30 Teatro Principal de Pontevedra - Pontevedra

Detalles do Evento

O martes 29 de abril, ás 20:30 horas no Teatro Principal de Pontevedra, proxectarase o filme ‘Vermiglio’ (Maura Delpero, 119 min., Italia, VOSE, Lengua original: italiano), nunha nova sesión organizada polo Cineclube Pontevedra.

No recomendado para menores de 12 años.

Finales de la Segunda Guerra Mundial en Vermiglio, un remoto lugar en los Alpes italianos. La llegada de un soldado desertor a la aldea va a marcar un antes y un después en la vida de sus habitantes, especialmente en la familia del maestro, que verá como cada uno de sus miembros se dirige a un destino inesperado.

Gran Premio del Jurado en Venecia 2024.

A programación de abril do Cineclube Pontevedra contará con dúas recentísimas estreas. ‘Grand Tour’ (2024), o último traballo do portugués Miguel Gomes, que se alzou no último festival de Cannes co Premio á Mellor Dirección, poderá verse o martes 1.

A nova proposta do portugués é unha arrebatadora viaxe polo sueste asiático, en palabras de Elsa Fernández-Santos «de principio a fin unha oda á beleza que emana de toda tristura, esa saudade portuguesa que este filme eleva a monumento».

O martes 29 será a quenda de ‘Vermiglio’, o último traballo da directora italiana Maura Delpero, que foi gañador do Gran Premio do Xurado no Festival de Venecia de 2024. Un aquel de léxico familiar da directora ambientado nos Alpes italianos e co escenario da Segunda Guerra Mundial ao lonxe, aínda que ben presente na vida das que non van ao campo de batalla: mulleres, crianzas, maiores, mestres ou sacerdotes.

As sesións de filmoteca de abril dedicaránselle ao cineasta brasileiro Leon Hirszman (1937-1987), membro precoz do Cinema Novo e considerado no seu seo como a conciencia política do movemento. Hirszman interesouse por temas queridos pola esquerda na primeira metade dos anos setenta, deulle protagonismo nos seus filmes ao suxeito proletario e expuxo no seu cine os mecanismos de opresión capitalista.

Proxectaranse ‘Eles Não Usam Black-Tie’ (1981) o 7 de abril, unha das grandes triunfadoras do Festival de Venecia de 1981, e o documental ‘ABC da greve’ (1979-1990), cun novísimo Lula da Silva liderando as folgas das grandes fábricas automobilísticas no ano 1979.

Todas as sesións terán lugar ás 20:30 horas no Teatro Principal de Pontevedra.

O Cineclube Pontevedra é unha asociación sen ánimo de lucro cuxo funcionamento e financiamento depende fundamentalmente das achegas económicas que realizan periodicamente as súas socias e socios, cara a quen están dirixidas as súas actividades.

Podes escoller a opción que máis se adapte ás túas preferencias: 70 euros anuais, 25 trimestrais ou 3 euros por pases soltos.

As persoas que desexen asociarse poden facelo calquera día en que haxa proxección ou ben a través do blog da asociación.