Inauguración da exposición fotográfica do programa Xuntas | © Concello de Pontevedra

Inaugurada a exposición fotográfica do programa Xuntas, primeira actividade da programación do 25N, organizada polo Concello de Pontevedra

16 Novembro 2023

  • Atópase no primeiro andar do Teatro Principal e é o colofón dun programa dirixido a mulleres en situación de vulnerabilidade
  • Os actos continúan o vindeiro luns coa lectura do manifesto e o despregue da lona coa imaxe gráfica da campaña no balcón da Casa Consistorial

O Concello de Pontevedra inaugurou esta mañá a exposición fotográfica do programa Xuntas, situada no primeiro andar do Teatro Principal. Esta inauguración á que asistiu a alcaldesa en funcións, Eva Vilaverde e a concelleira de Igualdade, Anabel Gulías forma parte da programación do 25N, o Día internacional de Loita contra a violencia machista, organizada polo Concello de Pontevedra.

O Programa Xuntas de empoderamento feminino, dirixido principalmente a mulleres en situación de vulnerabilidade, tivo lugar no 1º andar do CIM todos os martes entre marzo e setembro. Durante estes seis meses as participantes traballaron na adquisición de habilidades e coñecementos para a mellora da autoestima mediante actividades de expresión corporal, teatro, risoterapia, baile, fotografía, técnicas vocais, etc. ao tempo que se favoreceu a creación de redes de apoio entre iguais.

Esta exposición fotográfica aberta ao público supón o colofón da actividade e na súa inauguración contaremos coas participantes que o desexen que nos achegarán parte da súa experiencia.

A programación do 25N continuará a vindeira semana. O mesmo luns, 20 de novembro está previsto a lectura do manifesto do Día Internacional pola Eliminación da Violencia contra as Mulleres no Pleno Municipal cuxa redacción este ano está a cargo de ASOCIM (Asociación de profesionais dos CIM).

Previamente está previsto o despregue dunha lona no balcón da Casa Consistorial coa imaxe da campaña gráfica, que fronte aos discursos reaccionarios negacionistas da violencia machista apela a chamar as cousas polo seu nome desmontando argumentarios falaces desde a pedagoxía mais básica.

A campaña xa se atopa na rúa dende hoxe mesmo a través de cartelería en escaparates e tamén nos mupis da cidade. Tamén está previsto o reparto de camisetas nas actividades programadas.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA