Cantos de Taberna 2023 | © Maravallada

O Teatro Principal de Pontevedra acollerá este venres a VI Gala de Cantos de Taberna organizada pola Asociación Cultural Maravallada

6 Novembro 2024

  • A ‘Xira de San Antón de Cedeira’ e a figura de José Rodríguez Arribe “Jose de Vigo”, responsable desde hai 40 ano da Baixada da Xira, serán homenaxeados nesta edición
  • A obra da mestre canteira Elena Díaz Liljestrom, da CIFP de Cantería de Galicia, foi a elixida para recrear a Cunca Maravallada, agasallo para o galardoado
  • A gala estará conducida polo lalinense Celso F. Sanmartín, poeta, contador de historias ligadas á tradición oral galega e contará co grupo Os Perucos de Rianxo para amenizar e facer cantar ó público

O próximo venres 8 de decembro, ás 20:30 horas, no Teatro Principal de Pontevedra, terá lugar a VI Gala de Cantos de Taberna organizada pola Asociación Cultural Maravallada en colaboración co Concello de Pontevedra. Este evento fai un recoñecemento a aquelas persoas ou entidades que, pola súa labor, teñen colaborado na difusión e engrandecemento da música popular galega, en especial á manifestación que da mesma se fai nas tabernas.

Nesta ocasión a gala estará conducida polo lalinense Celso F. Sanmartín poeta, contador e reinventador de historias ligadas a tradición oral galega e o grupo de Rianxo, Os Perucos, será o convidado para amenizar e facer cantar ó público asistente a este evento no que non non pode faltar a música.

O proxecto homenaxeado e merecedor da Cunha Maravallada será a ‘Xira de Cedeira’, unha das festas máis emblemáticas desta vila coruñesa que forma parte da tradicional Romaría de San Antón de Corveiro celebrada cada terceiro luns de xullo desde tempos inmemoriais.

José Rodríguez Arribe “Jose de Vigo” será o encargado de recoller a cunca, como director da Baixada da Xira desde fai xa 40 anos. É o encargado de liderar e coordinar un dos momentos máis simbólicos e emocionantes da tradicional Xira de San Antón cando a veciñanza comeza o camiño de volta desde a Ermida cara a Cedeira. Este movemento colectivo faise cantando e está cargado de emoción e espírito de irmandade o que representa os valores polos que se ven outorgando a Cunca Maravallada.

Sobre a Cunca Maravallada

A Asociación Cultural Maravallada leva anos fomentando e dando a coñecer a grande variedade e calidade de artistas plásticos de Galicia, quixo contar coa colaboración do CIFP de Cantería de Galicia para para dar visibilidade a unha profesión tan vencellada a nosa cultura. Entre as propostas que participaron na convocatoria organizada polo centro resultou escollida a da alumna Elena Díaz Liljestrom, ao suxerir unha interesante obra: un obxecto traballado por todas as súas caras e de inspiración naturalista.

A alumna conta con traxectoria previa ao ser titulada en Belas Artes, e actualmente ten exposta obra no Centro Cultural ‘A Pedreira’. Cursa o último curso do título oficial regrado en Formación Profesional de Pedra Natural, alta especialización en Cantería.

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA