O tudense Carlos Fer é o autor do cartel das Festas Patronais de San Telmo 2026

18 Marzo 2026

O Concello de Tui, continuando a liña de anos anteriores, encargou a un artista local Carlos Fer, o deseño da imaxe das Festas Patronais de San Telmo que se van celebrar do 4 ao 13 de abril.

Así o nome de Carlos Fer súmase ao Víctor Aparicio e Carlos Lago que teñen realizado o cartel dos festexos nos últimos anos.

O Concello de Tui aposta así por unha banda por visibilizar a artistas locais, e por outra por reflectir nas imaxes das festas a visión dun ou dunha tudense.

Neste 2026 Carlos Fer debuxou coma protagonista do cartel a unha muller vestida co traxe tradicional, nunha actitude festiva. Explica o autor que “a figura está bailando unha muiñeira, un movemento de alegría, que activa a tradición como práctica atemporal, capaz de renovarse cada vez que se canta e se baila”.

Sitúa o artista a escena nun tempo indeterminado entre o mencer o solpor nun momento no que a festa comeza ou continúa. A figura sostén o barco e a vela de San Telmo en cada man que coma Carlos Fer explica forman parte do “imaxinario popular” e das propias festas, converténdose en signos de identidade e de orgullo de pertencer a un lugar. Engade o autor que “deste xeito, o “espírito” de San Telmo aparece encarnado nun corpo que baila, participa e fai comunidade”.

O cartel recolle tamén unha referencia ao oitavo centenario da consagración da Catedral que aparece no fondo do deseño onde se abre tamén a escena ao outro lado do río, en Valença. Plasma así o artista “a relación entre Tui e Valença como Eurocidade, onde as celebracións, os encontros e os ritmos circulan dun lado ao outro do río, construíndo unha identidade compartida na que esa fronteira acuosa funciona como ponte”.

Dende o Concello de Tui agradécese a Carlos Fer ter aceptado o encargo para deseñar o cartel das Festas que marcará a imaxe dos festexos tudenses neste 2026.

O tudense Carlos Fer é un artista multidisciplinar e investigador. Graduouse en Belas Artes pola Universidad de Vigo. Actualmente dentro do doutorado en Creación e Investigación da UVigo está a elaborar o seu proxecto sobre o pliegue na pintura contemporánea. Realizou o seu labor docente na ESDIR, na EASD Pablo Picasso e na Facultade de Belas Artes de Pontevedra.

A súa obra puido admirarse en cidades coma Bilbao, Luxemburgo ou Lisboa, realizou residencias artísticas e estancias de investigación en París, Bruselas, Madrid e Galicia, arestora realiza precisamente unha residencia artística residencia artística na Cidade Internacional das Artes, en Paris.

Na súa traxectoria destacan tamén varios premios premios internacionais e ven de ser finalista do X Premio Cervezas Alhambra Arte Emergente ARCO.

Está pasando!

mér18marConsultarXXVII Salón Internacional do Libro Infantil e Xuvenil de Pontevedra'Que non para a música'(Consultar: mércores) Pontevedra

mér18mar16:00mér19:30Proxección de 'Rondallas' en PontevedraXV Máster Class Audiovisual Galego Augal16:00 - 19:30 Pontevedra

mér18mar20:00Proxección de 'Lluc, una crónica de la pastelería' en PontevedraCiclo de Cine Gastronómico20:00 Pontevedra

xov19mar18:30Entroido Poio 2026Do 15 de febreiro ao 19 de marzo18:30 Poio

VER MÁIS AXENDA