Presentación de Ponte a Escalar | Concello de Pontevedra

Pontevedra acolle a primeira competición de escalada urbana de Galicia

21 Maio 2025

O Concello de Pontevedra e o Club AROMON presentaron este martes a primeira edición de Ponte a Escalar, unha nova cita que sorprenderá a veciñanza e visitantes este sábado, 24 de maio

Se ben Pontevedra leva anos na vangarda do urbanismo ou é posta de exemplo no mundo enteiro pola súa capacidade para organizar grandes eventos deportivos, non esquece o coidado polas disciplinas algo máis agochadas e que tamén fomentan valores, saúde e benestar.

É o caso da escalada, que con Ponte a Escalar quere «saír do monte e dos rocódromos, para que a xente nos coñeza», grazas ao traballo entre o Club AROMON e a colaboración do Concello de Pontevedra.

A cita deportiva desenvolverase na xornada do sábado, 24 de maio, co gallo do 25 aniversario do club pontevedrés. O escenario principal será o casco histórico e algúns dos seus edificios, amosando as súas habilidades en prazas coma Curros Enríquez, Mugartegui ou a Ferraría.

Presentación de Ponte a Escalar | Concello de Pontevedra

A concelleira de Deportes, Anabel Gulías, destacou o a honra que supón para Pontevedra ser a sede desta novidosa proba. «Creo que o centro histórico que temos, a cidade en xeral que creamos entre todos e todas, é un escenario de luxo para facer escalada urbana».

A proba, que vivirá o seu inicio ás 10:30 da mañá, contará coa participación de 50 escaladores e escaladoras, cuxas prazas «voaron sen case apenas publicidade», polo que a concelleira xa considera o evento todo un éxito.

Anxela Pedrouso, directora da proba, detallou que esta é unha competición de escalada en bloque ou bouldering. Isto significa que non se utiliza corda, senón que os escaladores ou escaladoras ascenden poucos metros (sobre tres), contando sempre con colchonetas de apoio e persoas que axudan en caso de posíbeis caídas para garantir a seguridade total.

Está pasando!

xov22maiConsultarFestas de Santa Rita 2025 en VilagarcíaDo 21 ao 25 de maio de 2025(Consultar: xoves) Vilagarcía de Arousa

xov22maiConsultarXXII Festival de Cans Rías Baixas Film Fest(Consultar: xoves) O Porriño

xov22maiConsultarIII Festival BDra Gráfica en Pontevedrafestival de banda deseñada de Pontevedra(Consultar: xoves) Pontevedra

xov22maiConsultarXIV Sanxenxo Degusta TapasDo 16 de maio ao 1 de xuño de 2025(Consultar: xoves) Sanxenxo

VER MÁIS AXENDA