O Museo do Mar de Galicia acolle ata o 24 de setembro a exposición ‘O Camiño Portugués. Lembranzas de mar e pedra’

9 Xuño 2022

‘O Camiño Portugués. Lembranzas de mar e pedra’ é un proxecto expositivo e editorial que retrata as realidades e paisaxes que conforman o itinerario do Camiño Portugués e tece un diálogo entre a fotografía do pasado e as olladas do presente.

De Porto a Santiago de Compostela, as paisaxes, a vida nas prazas das aldeas, os monumentos e as escenas cotiás que foron inmortalizadas en séculos pasados volven ser motivo de inspiración baixo unha nova ollada. Trátase, por tanto, dun proxecto que nos brinda a oportunidade de reflexionar sobre o que permanece inmutable e o que se transforma, construíndo unha memoria colectiva do camiño accesible a todas e todos.

En 120 fotografías e a través da lente de 42 fotógrafos, a mostra aproxímase á riqueza paisaxística e monumental deste itinerario histórico para facernos novamente conscientes do seu valor patrimonial e convidarnos a redescubrilo cos ollos de quen o mira por primeira vez.

A exposición, que puido verse no Museo Centro Gaiás da Cidade da Cultura de Galicia (Santiago de Compostela), onde congregou a máis de 21.000 visitantes, chega agora ao Museo do Mar de Galicia, onde todas as persoas visitantes poderán ver, entre moitas outras, imaxes específicas da cidade de Vigo.

Na mostra poden verse, entre outras imaxes, fotografías históricas do barrio do Berbés, a rúa do Príncipe ou García Barbón, retratadas no primeiro terzo do século XX pola Casa Loty, Pacheco, ou o fotógrafo alemán Otto Wunderlich, quen retratou como ninguén a vida, xentes e paisaxes da España dos anos 20.

A exposición complétase co filme ‘Ecos do Camiño’, producida polo Laboratorio Numax, unha peza audiovisual que nos traslada a visión persoal da comisaria Lucía Laín e nos convida a profundar nesta viaxe a través do tempo e ao longo do Camiño Portugués.

Poderá visitarse do 20 de maio ao 4 de setembro de 2022 na sala de exposicións temporais 1º edificio do Museo do Mar de Galicia, no horario de apertura do museo.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA