Visita de escolares ao Bosque de Colón | © Concello de Poio

60 rapaces e rapazas participan dunha xornada de natureza, historia e convivencia no Bosque de Colón

19 Novembro 2024

  • Alumnos do CEIP Manuel Cordo Boullosa de Ponte Caldelas coñeceron, acompañados da técnica de Turismo municipal, o bosque de sequoias máis grande de Europa, situado no Monte Castrove e símbolo de cooperación internacional.
  • Desde o Concello de Poio destacan o Bosque como un recurso educativo ideal para a infancia que as “árbores foron plantadas por mozos e mozas dos dous continentes” e foi pensado como un agasallo “para que o desfruten, o coiden e o deixen como legado as xeracións futuras”.

Alumnos de 5º e 6º de primaria do CEIP Manuel Cordo Boullosa de Ponte Caldelas desfrutaron en Poio dunha xornada de natureza, historia e convivencia acompañados de persoal docente e da técnica de Turismo municipal, visitando o Bosque de Colón.

Un total de 60 rapaces e rapazas desprazáronse a última semana ata o Monte Castrove para coñecer de primeira man o bosque de sequoia vermella máis grande de Europa, con 500 exemplares, froito dun agasallo oficial do Goberno dos Estados Unidos ao pobo español en decembro 1992 en conmemoración da primeira viaxe de Colón a América.

Visita de escolares ao Bosque de Colón | © Concello de Poio

As árbores foron plantadas conxuntamente por mozos e mozas de Poio e de distintos lugares dos Estados Unidos, baixo a dirección do profesor estadounidense John Harmon McElroy e coa colaboración de expertos, administracións e institucións de ambos lados do Atlántico, o que o converte, ademais de nun exemplo de cooperación internacional, nun excelente recurso educativo.

“Rapaces e rapazas en idade escolar, chegados de lugares moi distintos, con idiomas e culturas diferentes, crearon un tesouro que máis de 30 anos despois representa un dos tesouros máis valiosos de Poio”, indicou a concelleira de Turismo do Concello de Poio, Rocío Cochón, que destacou que é un lugar ideal para amosarlle á rapazada xa que foi pensado polos seus creadores como un agasallo “para que o desfruten, o coiden e o deixen como legado as xeracións futuras”.

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA