A xira ‘Celtic Sea’ do galego Carlos Núñez chegará a Pontevedra o 21 de decembro da man do ciclo ‘Resoan’

16 Outubro 2024

  • O Pazo da Cultura será o escenario escollido para o concertó que terá lugar o sábado 21 de decembro ás 21:00 horas
  • As entradas, nun rango de prezos entre os 19 euros e os 27 euros (máis gastos de xestión) están xa á venda en Ataquilla.com e, de non esgotarse, unha hora antes na billeteira do auditorio
  • A St. Patrick´s Cathedral de Dublin, o Glasgow National Concert Hall, o Festival Interceltique de Lorient, a illa de Tatihou en Normandía ou o Kaufman Music Center de Nova York, son algúns dos escenarios seleccionados por Carlos Núñez para a realización deste novo proxecto xunto a Brittany Ferries
  • Celtic Sea, A Travesia” descóbrenos músicas inéditas e novos artistas do mundo celta atlántico. Toda unha expresión do espírito de irmandade dunha tradición de 10.000 anos de intercambios a través do mar celta

Tras o gran éxito do novo disco ‘Celtic Sea’, Carlos Núñez vén de gravar en lugares emblemáticos o novo show ‘Celtic Sea, A Travesía’: a St. Patrick´s Cathedral de Dublin, o Glasgow National Concert Hall, o Festival Interceltique de Lorient, a illa de Tatihou en Normandía ou o Kaufman Music Center de Nova York son algúns dos escenarios seleccionados por Carlos Núñez para a realización deste novo proxecto, que chegará ao Pazo da Cultura de Pontevedra o vindeiro 21 de decembro dentro do ciclo ‘Resoan’ do Concello de Pontevedra.

O artista galego, afirma que ‘Celtic Sea, A Travesia,’ “achega músicas inéditas e novos artistas do mundo celta atlántico. Toda unha expresión do espírito de irmandade dunha tradición de 10.000 anos de intercambios a través do mar celta. Comparto con Brittany Ferries a paixón por conectar as culturas célticas atlánticas. Viaxar nos seus barcos, dunha Fisterra a outra, foi a maior das inspiracións posibles para homenaxear ao xénero da música celta, creando unha nova obra que represente a nosa filosofía de vida, sempre ligada ao espírito intercéltico que lidera Bretaña, centro xeográfico de todos os celtas atlánticos.

É un disco cunha relación particular con Galicia, concebido de feito nun dos novos barcos da compañía marítima chamado, “Galicia”, pero tamén coas músicas do norte peninsular, desde o País Vasco, pasando por Cantabria, Asturias ou Castela e León, cuxas músicas tradicionais, sempre defendín que poderían formar parte da música celta e que a partir de agora soarán en todos os barcos de Brittany Ferr es, que son os patrocinadores deste disco especial”.

O tema estrela que dá nome ao disco é unha ‘sinfonía’ de 40 minutos con músicas de todas as rexións atlánticas, unidas por elementos comúns ás músicas celtas desde hai séculos ou milenios, como o “bagpipe rhythm” (ritmo de gaita) ou a harmonía binaria de “double tonic”, que se atopa por certo en moitas pezas do repertorio dos gaiteiros de Pontevedra (como ben estudou Núñez nos seus libros “De gaiteiro a gaiteiro” adicado a Ricardo Portela, ou “La hermandad de los celtas”, que xa vai pola súa 5ª edición e no que desentraña o concepto de “música celta”, moito máis fondo do que se adoita crer).

As entradas, a partir de 19 euros (máis gastos de xestión) están xa á venda en Ataquilla.com e, de non esgotarse na venda anticipada, unha hora antes do comezo do espectáculo na billeteira do Pazo da Cultura.

Está pasando!

dom24nov09:00Andainas Saudables da Eurocidade Tui-ValençaDo 7 de abril ao 15 de decembro de 202409:00 Eurocidade Tui-Valença

dom24novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: domingo) Ribadumia

dom24nov10:30II Medio Maratón Concello de VilagacíaCampionato Xunta de Galicia de Medio MAratón 202410:30 Vilagarcía de Arousa

dom24nov12:00dom13:00Visita guiada á exposición permanente do Museo de PontevedraTodos os domingos ás 12:00 horas12:00 - 13:00 Pontevedra

VER MÁIS AXENDA