Concerto do Trío Pedrell en Pontevedra

lun29xan20:30Concerto do Trío Pedrell en PontevedraSociedade Filharmónica de Pontevedra20:30 Teatro Principal de Pontevedra - Pontevedra

Detalles do Evento

O luns 29 de xaneiro, o Trío Pedrell (violín, violoncello e piano) ofrecerá un concerto no Teatro Principal de Pontevedra dentro da Tempada 2023-2024 organizada pola Sociedade Filharmónica de Pontevedra.

MENDELSSOHN: Trío para violín, violonchelo e piano nº 1 en Re menor, op. 49

DVORÁK: Trío para violín, violonchelo e piano nº 3 en Fa menor, op. 65

Os membros do Trío Pedrell coñecéronse na Escola Superior de Música de Cataluña (ESMUC, Barcelona) e en 2012 crearon esta formación coa que desde entón levaron a cabo un traballo constante de profundización no repertorio para trío con piano, sempre co obxectivo compartido de presentar a música do pasado ao público de hoxe ofrecendo unha lectura contemporánea, honesta e apaixonada.

Fórmanse como conxunto no Máster de Música de cámara da Hochschule für Musik, Theater und Median Hannover co Profesor Markus Becker e paralelamente reciben consellos e clases maxistrais de profesores como Jonathan Brown, Luis Fernando Pérez, Natalia Prischepenko, Ralf Gothóni, Claudio Martínez Mehner, Beira Martínez Mehner, Kennedy Moretti, Pierre Réach, Wayne- Foster Schmidt, Albel Tomàs ou Arnau Tomàs.

Participan nun gran número de concursos nacionais e internacionais. Foron premiados no XXIV Concurso Internacional Papel de Música de Capellades, no XIII Premio BBVA de Música de Cámara Montserrat Alavedra, IV Concurso Internacional de Música de Cámara Antón García Abril, IX Concurso Internacional de Cámara das Cortes, no Concurso Min Primeiro Auditorio da Fundación Più Mosso ou o International Chamber Music Competition Pinerolo e Torino città Metropolitana.

O seu repertorio inclúe compositores que van desde o Clasicismo ata obras actuais do trinque.

O seu primeiro disco “Raíces”, con obras de Felipe Pedrell e Roberto Gerhard, valeunos o premio Enderrock 2018 ao mellor álbum de música clásica pola crítica. Actuaron en salas como o Auditorio de Barcelona, Palau da Música e o Auditorio Nacional de Madrid. Tamén foron convidados a realizar concertos en todo España, Alemaña e China; neste último país cun programa monográfico dedicado a Beethoven.

O nome do trío rende homenaxe ao compositor, musicólogo, editor e etnomusicólogo Felipe Pedrell, un dos pais da música nacionalista española.

Actualmente o trío fórmano Christian Torres (violín), Òscar Alabau (violoncelo) e Jordi Humet (piano).

A nova tempada da Sociedade Filharmónica de Pontevedra inclúe dez concertos que se celebrarán no Teatro Principal e no Auditorio Afundación de Pontevedra, entre outubro de 2023 e maio de 2024.

A programación de concertos da tempada 2023-2024 da Sociedade Filharmónica de Pontevedra é a seguinte:

30/OUT/2023

ZOAR (quinteto de vento) e ROSALÍA GÓMEZ LASHERAS (piano)

Obras de Richard Strauss, Poulenc e Louise Farrenc

20:30 h. Teatro Principal de Pontevedra

06/NOV/2023

MISHA DACIC (piano)

Obras de Liszt

20:30 h. Teatro Principal de Pontevedra

22/DEC/2023

QUARTET VIVANCOS (corda)

Primeiro Premio do Concurs Amics del Cambra Románica d’Andorra 2021

Obras de Mozart, Schubert e Shostakovich

20:30 h. Teatro Principal de Pontevedra

29/XAN/2024

TRÍO PEDRELL (violín, violonchelo e piano)

Obras de Mendelssohn e Dvorák

20:30 h. Teatro Principal de Pontevedra

01/FEB/2024

ORQUESTA SINFÓNICA DE GALICIA

Director: Andrés Salado

Solista: Ludwig Dürichen (violín)

Obras de J. Torres e Shostakovich

En colaboración con Afundación

20:30 h. Auditorio Afundación de Pontevedra

26/FEB/2024

ISABEL VILLANUEVA (viola) e FRANÇOIS DUMONT (piano)

Isabel Villanueva é Premio Ollo Crítico da Música Clásica de RNE 2015 e Premio Cultura de Música Clásica da Comunidade de Madrid 2019.

François Dumont é Quinto Premio no XVI Concurso Internacional de Piano Fryderyk Chopin de Varsovia (2005)

Obras de Clarke, Brahms e Shostakovich

20:30 h. Teatro Principal de Pontevedra

15/MAR/2024

REAL FILHARMONÍA DE GALICIA

Director: Baldur Brönnimann

Solista: Alfonso Mújica (barítono)

Obras de Ginastera, Márquez, Moncayo e Blas Galindo

En colaboración con Afundación

20:30 h. Auditorio Afundación de Pontevedra

09/ABR/2024

JAEDEN IZIK-DZURKO (piano)

Primeiro Premio no Concurso Internacional de Piano de Santander (2022) e Primeiro Premio LXVII Concurso de Piano María Canals (Barcelona 2022).

Obras de Bartók, Liszt e Rachmaninov

20:30 h. Teatro Principal de Pontevedra

06/MAI/2024

GARA QUARTET (corda)

Con instrumentos de época “Madrid 1770”

Obras de Boccherini, Haydn e Canales

20:30 h. Teatro Principal de Pontevedra

17/MAI/2024

ORQUESTA SINFÓNICA DE GALICIA

Director: José Trigueros

Solista: Marina Heredia (cantaora)

Obras de Ernesto Halffter e Falla

En colaboración con Afundación

20:30 h. Teatro Principal de Pontevedra

Esta programación poderá estar suxeita a variacións. Neste caso, a Xunta Directiva da Sociedade trataría de avisar con suficiente antelación aos socios.

Cotas: Adultos (12 euros/mes). Xuvenís ( euros/mes). Para darte de alta como socio, podes facelo os días de concerto ou na páxina web filarmonica.org