Proxección de ‘¡Amigos hasta la muerte!’ en Vilagarcía

ven26xul22:00Proxección de ‘¡Amigos hasta la muerte!’ en Vilagarcíaciclo de cine 'fantasio na rúa'22:00 Concello de Vilagarcía de Arousa - Vilagarcía de Arousa

Detalles do Evento

O venres 26 de xullo o programa ‘Fantasio na Rúa’ que organiza a Concellería de Xuventude de Vilagarcía de Arousa, chega a Trabanca Badiña con ‘¡Amigos hasta la muerte!’, un filme de Javier Veiga protagonizado por Marta Hazas, Mauricio Ochmann e Javier Veiga.

Como no resto do ciclo, as proxeccións de ‘Fantasio na Rúa’ son gratuítas, sobre unha pantalla led, que permitirá que na maioría dos casos se poidan exhibir a partir das oito e media da tarde, como continuación a unha probable xornada de praia ou outro tipo de ocio.

SINOPSE

María, Nacho e Suso son amigos desde a infancia. Os tres viviron xuntos moitas cousas, quizais mesmo demasiadas… E de súpeto a dous deles vailles a tocar compartir o secreto de que o outro vai falecer pronto.

Con todo, antes quédalles moito por facer: plans, promesas, reproches, risas, reconciliacións, recordos, máis risas, algunha bágoa… Ademais de algo pendente que chegou a hora de destapar. Os tres van descubrir o pouco que importan agora as cousas que parecían importantes.

‘FANTASIO NA RÚA’

Durante un mes e con catorce cintas, o ciclo ‘Fantasio na Rúa’ levará o cine a todos os cascos urbanos, pero tamén aos barrios e parroquias e sempre o a aire libre. A xira comeza na noite do martes 16 de xullo nos xardíns de Ravella e concluirá o mércores 14 de agosto, en plenas festas de San Roque, con ‘Pinocho’, de Guillermo del Toro, en Cea.

A programación do ciclo ‘Fantasio na Rúa’ é a seguinte:

‘Barbie’ | 16 de xullo | 22.00h | Praza de Ravella

‘O Mostro Mariño’ | 17 de xullo | 20:30h | Os Duráns

‘¡Vaya Vacaciones!’ | 24 de xullo | 22:00h | As Pistas

‘¡Salta!’ | 25 de xullo | 22:00h | Vilaxoán

‘Amigos hasta la muerte’ | 26 de xullo | 22:00h | Trabanca Badiña

‘¡Canta 2!’ | 27 de xullo | 22:00h | Praia de Bamio

‘Honeymoon’ | 28 de xullo | 20:30h | Rubiáns

‘+Cuñados’ | 30 de xullo | 20.30h | Praia de A Covacha de Carril

‘O ascenso das Tartarugas Ninja’ | 1 de agosto | 20:30h | O Sixto

‘Dragones y Mazmorras: Honor entre ladrones’ | 5 de agosto | 22:00h | Parque da Coca

‘A elefanta do mago’ | 6 de agosto | 20:30h | Sobradelo

‘O dragón de papá | 11 de agosto | 20:30h | Cornazo

‘As Neves’ | 12 de agosto | 22:00h | Parque da Xunqueira

‘Pinocho de Guillermo del Toro’ | 14 de agosto | 22:00h | Cea