O FIC Bueu achega á Vicerreitoría do Campus de Pontevedra as curtametraxes da Nouvelle Vague francesa

2 Marzo 2021

En 2019, o Festival Internacional de Curtametraxes FIC Bueu incorporou á súa programación unha sección retrospectiva dedicada a repasar “fitos da historia das curtametraxes coa intención de poñer en valor a importancia do formato ao longo da historia do cinema”, como salientan desde a organización.

Na súa primeira edición, decidiu dedicar esta sección á Novuelle Vague francesa e do labor de investigación e documentación que requiriu esta programación naceu tamén o primeiro Caderno FICBUEU, que o xoves 4 de marzo centrará o relatorio que impartirá na sede da Vicerreitoría do campus o subdirector do festival e responsable desta publicación, Severiano Casalderrey.

O acto, programado para ás 19:00 horas e cun aforo reducido a 15 persoas por mor das restricións ás que obriga á covid-19, completarase coa proxección dun dos filmes que formaron parte da retrospectiva, ‘Les veuves de 15 ans’ (1965), do cineasta Jean Rouch.

Organizado polo FIC Bueu coa colaboración da Vicerreitoría do Campus de Pontevedra, esta actividade ten por obxecto contribuír á difusión dunha publicación bilingüe, editada en inglés e en galego co apoio da Secretaría de Política Lingüística da Xunta de Galicia.

Este Caderno FICBUEU#1, escrito por Casalderrey, busca non só profundar nas obras seleccionadas para a retrospectiva dedicada a este movemento cinematográfico senón contribuír tamén “á historiografía da curtametraxe”. Nese senso, desde a organización do festival inciden en que “máis aló da súa presentación no festival en 2020, dende a asociación fixemos un traballo de distribución do caderno, non só en institucións e centros formativos relacionados coa cultura cinematográfica de Galicia, senón tamén do resto de España e de Francia”.

Nesa idea, o Festival Internacional de Curtametraxes FIC Bueu busca con este acto achegar á Universidade un proxecto “que ten un labor de investigación e documentación detrás” e co que buscan amosar “esa parte un pouco máis descoñecida, de como se traballou coa curtametraxe na Nouvelle Vague”.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA