O xoves 8 de setembro comeza en Pontevedra a instalación do novo Skatepraza Raíña Vitoria

5 Setembro 2022

  • Están en fabricación os módulos de granito do skate que terá unha superficie de 735 metros cadrados e estará situado entre os pasos de peóns de Raíña Vitoria.
  • A actuación consistirá na creación dunha plataforma única, de formigón puído entre a rúa Palamios e o paso de peóns do instituto onde se retirarán os morróns; e de asfalto até o segundo paso de peóns.

O Concello de Pontevedra ten previsto iniciar as obras de transformación da avenida Raíña Victoria nun skatepraza este xoves, 8 de setembro. Así o confirmou esta mañá o concelleiro de Obras Urbanas, Demetrio Gómez que adiantou que será “unha instalación de última xeración que máis que un skatepark é unha skatepraza”.

Explicou que para o seu deseño houbo que facer un traballo de investigación para determinar que tipo de pezas serían as máis acaídas para un espazo urbano como Raíña Victoria. Dado que existen poucos espazos como este, houbo que deseñalas especificamente para este lugar.

Pezas de granito do Skatepraza Raíña Vitoria | © Concello de Pontevedra

A fabricación das pezas xa está en marcha, e este xoves comeza a creación da superficie na que se instalarán. O skatepraza estará entre os pasos de peóns da avenida Raíña Vitoria que levantará a calzada á altura das beirarrúas con asfalto. Entre a rúa Palamios e o paso de peóns do Instituto Sánchez Cantón tamén se fará unha plataforma única pero con formigón puído. Levará bordillos con ramplas que impedirán o paso de vehículos pero non de bicicletas, cadeiras de rodas, patíns… Esta reurbanización permitirá retirar os morróns nese punto da rúa.

A continuación instalaranse as pezas e a última parte do proxecto será o pintado do skatepraza. Isto é así para determinar exactamente onde vai cada elemento, por se algún día fose necesario retirar as pezas.

Recreación do Skatepraza Raíña Vitoria | © Concello de Pontevedra

Unha das arquitectas do proxecto, Andrea Ricoi explicou esta mañá que a skatepraza será da modalidade street con módulos de granito de pouca entidade, baixos, que se colocan no pavimento e van formando como un “lego”. Pódense retirar e volver a colocar. As anclaxes están estudadas para que ao volvelas a colocar non se movan.

A súa distribución é no eixo lonxitudinal da rúa e créase unha franxa accesíbel totalmente para que poidan pasar vehículos de emerxencia.

O skatepraza terá unha superficie de 735 metros cadrados, aproximadamente, e un custe de 80.000 euros. Poderá estar listo no prazo dun mes, aínda que as condicións meteorolóxicas pode influir o desenvolvemento da obra.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA