Presentación do ‘Lifelong Learning Curso del Atlántico’ | © Concello de Pontevedra

Pontevedra volve ser sede do congreso de oftalmoloxía ‘Lifelong Learning Curso del Atlántico’ este outubro

14 Outubro 2022

Dividido en dúas xornadas de traballo con sede en Afundación, os días 28 e 29 de outubro, reunirá a máis de 300 expertos neste eido médico do máis alto nivel do Estado

O Concello de Pontevedra é unha das entidades que promove o ‘Lifelong Learning 20/22 Curso del Atlántico’ que será celebrado na Boa Vila os días 28 e 29 de outubro. Trátase dun congreso de oftalmoloxía que reunirá a algúns dos maiores expertos neste eido en todo o Estado, que terán a oportunidade de expoñer, divulgar e compartir as súas experiencias a través das diferentes sesións.

Cada sesión estará dedicada a un tema concreto, como a superficie ocular, uveitis, estrabismo, glaucoma, cirurxía refractiva, córnea, cirurxía da córnea, do cristalino, retina médica e o tratamento cirúrxico desta última.

O congreso foi presentado polo doutor e director do evento, Pedro Corsino Fernández Vila, acompañado do concelleiro César Mosquera, que fixo de anfitrión durante o acto de presentación, «xa que fun paciente de oftalmoloxía cando Pedro Corsino era o xefe de servizo e estou absolutamente encantado de darlles hoxe a benvida».

Saskia Aguado, directora médica para Baush+Lomb en España e Portugal, explicou que esta cuarta edición do Curso del Atlántico é «un curso moi especial para o que desprazamos un gran número de persoas até unha cidade que ten un encanto especial». «Pontevedra é unha cidade acolledora que invita a concentrar o coñecemento e que nos permite, desde hai catro anos, establecer un porto seguro para as nosas necesidades como organizadores e como un curso tan importante coma este, un curso que desde o principio contou co recoñecemento de todos os oftalmólogos que acoden até este, tanto pola súa calidade como polo elevado nivel científico que ofrece».

Doutra banda, David Muñoz, responsábel de márketing de Bausch+Lomb, comentou que serán 275 os especialistas médicos chegados até Pontevedra desde toda España, aos que tamén habería que sumar 45 da propia compañía promotora do evento. «Estaremos pernoctando en Pontevedra, camiñando polas súas rúas e gozando da cidade ademais do curso. É un feito importante celebrar este curso aquí, é unha cidade que anima a pasear e é un aliciente para todos os desprazados, amais do contido científico que aporta o curso».

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA