Festival Mundial de Ilusionismo 'Galicia Ilusiona' en Vigo

sáb19out20:30Festival Mundial de Ilusionismo 'Galicia Ilusiona' en VigoA MELLOR MAXIA DO MUNDO VOLVE A GALICIA20:30 Teatro Afundación - Vigo

Detalles do Evento

Chega a Vigo a terceira edición do Festival Mundial de Ilusionismo ‘Galicia Ilusiona’. Unha selección dalgúns dos mellores e máis premiados ilusionistas do planeta reunidos sobre un mesmo escenario.

A gala estará conducida polo Mago Murphy (Madrid) e contará cos multipremiados números de Nestor Hato (Francia), Manolo Costa e Mindanguillo (Elche), Lore Lavand (Arxentina), Ki Moon Do (Corea) e Jerome Murat (Francia).

Mago Murphy (Madrid): Murphy será o mestre de ceremonias do espectáculo, o presentador perfecto pola súa simpatía e conexión co público. Será o encargado de dar paso aos diferentes números ao tempo que nos amosa a súa maxia máis creativa e espectacular.

Nestor Hato (Francia): Nestor Hato é especialista en manipulación, a rama máis complexa da maxia. O seu show é explosivo e trepidante, os espectadores non poderán creer o que están vendo. Un número que conseguiu dar a volta ao mundo e estar presente nos mellores escenarios e platós de televisión.

Manolo Costa e Mindanguillo (Elche): Manolo Costa e Mindanguillo acaban de gañar o Premio Europeo de Maxia na súa especialidade, a maxia cómica. Un dúo único que veñen dispostos a poñer o teatro patas arriba.

Lore Lavand (Arxentina): Lore Lavand mestura maxia, teatralidade e poesía no seu espectáculo. Un número cheo de emocións que conseguirá trasladar aos espectadores ao mundo dos sentimentos. Sen dúbida, un acto cunha gran enerxía emocional.

Ki Moon Do (Corea do sur): Kimoon Do chega a Galicia directamente dende Corea para mostrar o seu número máis destacado: O director máxico de orquestra. KiMoon Do é gañador de multitude de premios a nivel mundial e levou a súa maxia aos 5 continentes.

Jerome Murat (Francia): Jerome Murat está considerado o mellor mimo do mundo. O seu acto da estatua de dúas cabezas é coñecido mundialmente, unha mestura de teatralidade e maxia imposible, son as claves deste número multipremiado internacionalmente.

Dirixen e producen: Pedro Bugarín e Dani Polo.

Dúas funcións: 19 de outubro (20:30 horas) e 20 de outubro (18:00 horas).

Para todos os públicos, duración aproximada: 1:30h.

Entradas anticipadas á venda desde 15 euros en Ataquilla.com