Pontevedra preparada para ser unha vez máis o centro mundial do tríatlon
19 Xuño 2025
Entre o 20 e o 29 de xuño, Pontevedra será a sede da que se anticipa como edición máis espectacular do World Triathlon Multisport Championships.
Pontevedra elevou a vara en 2019 cando organizou este prestixioso evento e logo reafirmou o seu status nas Finais de Campionatos Mundiais 2023. Agora, a cidade será novamente o epicentro do multideporte cando dea a benvida a atletas que se medirán en seis disciplinas: Dúatlon (21 de xuño), Cros Tríatlon (24 de xuño), Cros Dúatlon (26 de xuño), Acuatlón (27 de xuño), Aquabike (27 de xuño) e Tríatlon Longa Distancia (29 de xuño).
Todas as carreiras terán lugar en e ao redor de Pontevedra. Os circuítos estarán emprazados no CGTD, o icónico Ponte dos Tirantes e o Río Lérez. O Cros Tríatlon e Cros Dúatlon desenvolveranse na reserva do Pontillón do Castro en Verducido— unha área que se destaca pola súa beleza natural e as súas condicións óptimas para a competencia.
Numerosos eventos internacionais tiveron lugar nestes circuítos co que os atletas vivirán unha experiencia inesquecible.
Espérase unha participación de máis de 4000 atletas co que a edición será a máis convocante desde o comezo dos Campionatos Multideportivos en 2017; este evento fará historia. Ademais da acción, atletas e visitantes gozarán dun programa cultural, culinario e recreacional de calidade que subliña o nivel de Pontevedra como destino líder para a práctica do tríatlon internacional.
O compromiso de Pontevedra co tríatlon e a súa excelencia na organización de eventos, convértena en sede perfecta para esta edición histórica. A súa reputación continúa crecendo e as Finais de Campionatos Mundiais 2026 tamén a terán como sede.
Como sempre, os atletas de todos os niveis serán o centro dos campionatos. Atletas de grupos de idades de 60 países competirán xunto aos máis de 300 participantes elite, cada un dos cales dará o mellor para ter o seu lugar na historia do tríatlon. España presentará a delegación máis numerosa, seguida por USA, Gran Bretaña, Portugal, Brasil e Australia.
Os horarios das competicións deportivas son os seguintes:
VENRES 20 DE XUÑO
- 18.30 horas. Desfile de nacións entre A Ferreía e a Praza de España.
- 19.30 horas. Praza de España. Cerimonia de inauguración do Multisport 2025.
SÁBADO 21 DE XUÑO
- 08.00 horas. Dúatlon Sprint Grupos de Idade.
- 12.15 horas. Mundial Júnior Dúatlon Masculino.
- 12.20 horas. Mundial Júnior Dúatlon Feminino.
- 15.45 horas. Mundial Dúatlon Elite/Sub23 Feminino.
- 18.30 horas. Mundial Dúatlon Elite/Sub23 Masculino.
DOMINGO 22 DE XUÑO
- 08.00 horas. Dúatlon Standard Grupos de Idade.
- 14.00 horas. Mundial de paradúatlon.
- 16.30. Mundial Remudas Mixtas Dúatlon Elite.
- 16.35 horas. Mundial Remudas Mixtas Dúatlon Júnior.
MARTES 24 DE XUÑO (Verducido)
- 12.30 horas. Mundial Tríatlon Cros Júnior Masculino.
- 12.35 horas. Mundial Tríatlon Cros Júnior Feminino.
- 12.38 horas. Mundial Paratríalon Cros.
- 13.30 horas. Mundial Tríatlon Cros Masculino Elite/Sub23.
- 13.35 horas. Mundial Tríatlon Cros Feminino Elite/Sub23.
- 14.15 horas. Tríatlon Cros Grupos de Idade.
XOVES 26 DE XUÑO (Verducido)
- 12.30 horas. Mundial Dúatlon Cros Júnior Masculino.
- 12.33 horas. Mundial Dúatlon Cros Júnior Feminino.
- 12.35 horas. Mundial Paradúalon Cros.
- 12.50 horas. Mundial Dúatlon Cros Masculino Elite/Sub23.
- 12.55 horas. Mundial Dúatlon Cros Feminino Elite/Sub23.
- 13.45 horas. Dúatlon Cros Grupos de Idade.
VENRES 27 DE XUÑO
- 15.00 horas. Mundial Acuatlón Grupos de Idade.
- 18.45 horas. Mundial Auatlón Masculino Elite/Sub23/Júnior.
- 18.50 horas. Mundial Auatlón Feminino Elite/Sub23/Júnior.
- 18.55 horas. Mundial para-acuatlón.
SÁBADO 28 DE XUÑO
- 11.15 horas. Carreira popular ‘Trimparables’.
DOMINGO 29 DE XUÑO
- 08.00 horas. Mundial Tríatlon Longa Distancia Elite Masculino.
- 08.05 horas. Mundial Tríatlon Longa Distancia Elite Feminino.
- 08.10 horas. Mundial Paratríatlon Longa Distancia.
- 08.30 horas. Mundial Tríatlon Longa Distancia Grupos de Idade.
- 09.30 horas. Mundial de Aquabike Grupos de idade.
- 22.00 horas. Cerimonia Clausura e festa depedida Multisport (Praza de España).
ACTIVIDADES CULTURAIS PARALELAS
O amplo programa de actividades paralelas do que poderán gozar as persoas que se acheguen a Pontevedra os últimos dez días de xuño en coincidencia co Multisport, bota a andar o xoves 19 de xuño coa apertura da Feira deportiva na Avenida de Montero Ríos.
Son 25 puntos de interese entre concertos de distintos formatos, arte, e convocatorias relacionadas coa cultura LGTB como o Orgullo, a Feria Marica ou o Festival de Cinema Ambienta, no Teatro Principal. Na véspera do Orgullo, o día 27, actuará Mondra, a estrela queer da nova electrónica galega de raíz.
Un dos pratos fortes consiste na actuación do pentacampión de Tríatlon, Javier Gómez Noya, que co seu grupo Liorta pechará o ciclo, antes da actuación de Broken Peach, que despedirá o evento até a Gran Final de 2026, prevista tamén en Pontevedra.
O programa tenta xerar unha mostra do panorama musical da cidade compatíbel co ambiente festivo do evento deportivo, así como servir de apoio a este sector da industria cultural, ampliando así o abano se implicacións cos recursos de proximidade dos que dispón a cidade.
Ademais da tradicional apertura cun espectáculo de Pablo Méndez Performances tralo desfile de bandeiras do venres día 20, o programa incorpora as citas da Bienal Internacional de Arte, en especial a espectacular proxección con música que terá lugar sobre a Peregrina polo artista francés Patrick Warrener o venres, sábado e domingo da primeira fin de semana.
Tamén haberá concertos de pequeno formato con artistas locais en distintas prazas da cidade e sesións de Dj nalgunhas tendas relacionadas co deporte.
O programa inclúe así mesmo información sobre a Bienal de Arte, que estará presente en varios recintos culturais da capital e a feira do deporte que se instalará en Montero Ríos e na que se creará un gran ambiente cosmopolita, pois todas as persoas que participan na proba deben pasar por alí a rexistrarse.
VISITAS GUIADAS EN INGLÉS
As visitas guiadas promovidas pola empresa municipal Turismo de Pontevedra, que xestiona a concelleira Anabel Gulías, comezan a tempada estival cunha oferta especial de percorridos en inglés, pensados para os/as deportistas e acompañantes que se achegarán á cidade co gallo do World Multisport Pontevedra 2025.
Comezarán o xoves 19 de xuño e terán continuidade os días 23, 24, 25, 26, 27 e 29 do mesmo mes.
Haberá dúas quendas: unha de mañá, ás 11.00 horas e outra de tarde, ás 17.15 horas. A saída será ao carón da Oficina de Turismo municipal (praza de España, s/n) e a identificación, un paraugas verde.
As visitas guiadas súmanse á numerosa programación de actividades lúdicas e culturais paralelas ao campionato que traerá á Boa Vila arredor de 5.000 deportistas e outros tantos acompañantes. Un regueiro de xente que terá tempo para competir e tamén para coñecer Pontevedra e a súa provincia.
Unha primeira aproximación poden ser estes percorridos pola cidade da man de guías oficiais, profesionais acreditadas, que axudarán aos participantes a descubrir a historia, cultura, monumentos, a vida da rúa e a gastronomía dunha cidade acolledora e preparada para ser escenario dun evento do alcance do Multisport.
