Presentación da VI Concentración de Vehículos Clásicos e Antigos Cidade de Pontevedra | © Concello de Pontevedra

A VI Concentración de Vehículos Clásicos e Antigos Cidade de Pontevedra volverá amosar parte da historia da automoción na Boa Vila

30 Agosto 2024

  • Case setenta vehículos —entre coches, camións e autobuses— estacionarán na Praza do Concello para que veciños e visitantes poidan observalos e aprender sobre os mesmos
  • O Concello de Pontevedra colabora co Club AVA para que a cita sexa posíbel e continúe a ser un evento imprescindíbel dentro do verán pontevedrés

Toda persoa amante dos coches clásicos e antigos terá unha cita ineludíbel o vindeiro domingo, 1 de setembro, na Praza do Concello. Entre as 10.00 e as 20.00 horas será posíbel observar e mesmo escoitar algúns vehículos de auténtica colección, e que se moverán entre a nostalxia dos máis maiores e a sorpresa dos máis novos.

O programa oficial inclúe a exposición de vehículos desde primeira hora, para logo realizar unha visita guiada á Illa de Tambo, con saída desde as Corbaceiras. A continuación realizarase unha comida colectiva en Casa Digna.

Presentación da VI Concentración de Vehículos Clásicos e Antigos Cidade de Pontevedra | © Concello de Pontevedra

A VI Concentración de Vehículos Clásicos e Antigos Cidade de Pontevedra é unha cita sempre ben recibida, que xera curiosidade entre a veciñanza e os visitantes da Boa Vila. É posíbel grazas ao bo facer do Club AVA e a colaboración do Concello de Pontevedra.

A concelleira de Promoción da Cidade, Anabel Gulías, explicou que sempre é un pracer «camiñar pola cidade e atopar anacos da historia recente e non tan recente». «Coido que esta colaboración é moi positiva pois permite visibilizar o traballo que fai esta asociación e todas as persoas que están ou traballan coa mesma. Non se trata só de conservar vehículos por puro coleccionismo, senón que hai un obxectivo de divulgación».

Está pasando!

lun16setConsultar17º Festival Internacional de Cinema de BueudO 6 AO 21 DE SETEMBRO DE 2024(Consultar: luns) Bueu

xov19set18:00Visita guiada á exposición 'A era das fábulas' en PontevedraA arte e o poder rexenerador da fantasía18:00 Pontevedra

xov19set20:30Concerto de Infermi d'amore en PontevedraSociedade Filarmónica de Pontevedra20:30 Pontevedra

ven20setConsultar8º Galician Freaky Film Festival en VigoFestival Internacional de Cinema Freak e Fantástico de Vigo(Consultar: venres)

VER MÁIS AXENDA