Charo Bouzón, Rosana Martínez Boullosa e Rosana Comesaña | Concello de Soutomaior

Soutomaior presenta o seu XVI Encontro de Mulleres

11 Marzo 2025

  • Este ano celebrarase en Salvaterra de Miño o sábado 29 de marzo.
  • As mulleres interesadas en asistir poderanse inscribir en liña ata o 17 de marzo ou de xeito presencial no concello e no Multiúsos en horario de 9:00 a 14:00h.

A concelleira de Benestar Social e Igualdade, Rosana Martínez Boullosa, a concelleira de Promoción Económica, Rosana Comesaña e a concelleira de Asociacións, Charo Bouzón presentaron o XVI Encontro de Mulleres que organizan dende o Concello de Soutomaior.

Unha cita que ten como obxectivo fomentar a convivencia e o empoderamento entre as mulleres do municipio. Un evento que terá lugar o sábado 29 de marzo e cuxo destino será, neste ano, Salvaterra de Miño.

Esta actividade conta con financiamento por parte do concello, da concellería de Igualdade e de Benestar Social, e, contando con este investimento as mulleres que desexen asistir terán que pagar unha parte que constará de 25 euros as empadroadas en Soutomaior e de 30 euros para as non empadroadas. Un prezo que inclúe todas as actividades e traslados organizados durante toda a xornada deste encontro.

As inscricións para este evento serán en liña, a través da web do concello www.soutomaior.gal e ditas inscricións estarán abertas dende o 6 ata o 17 de marzo ás 14:00h. Todas as mulleres que o desexen tamén poderán facer a inscrición de xeito presencial no concello e no Multiúsos en horario de 9:00 a 14:00h.

Así, deste modo, para o Encontro do 29 de marzo o autobús sairá ás 9:00h. do concello e ás 9:15h. do cruce de Pierres, en Arcade. Unha vez chegadas a Salvaterra de Miño as asistentes terán a opción de elixir a actividade da mañá que será: as termas ao aire libre de Salvaterra de Miño ou a visita ao Museo da Ciencia do viño.

Trala actividade de mañá terá lugar a comida que será no Cruceiro do Monte, en Tui, e unha vez finalizado o xantar a actividade da tarde trasladarase a unha visita pola fermosa vila de Vilanova de Cerveira, no caso de que chova, dende o concello teñen un plan alternativo para a xornada.

O regreso deste encontro será sobre ás 19:30h. de Vilanova de Cerveira coa chegada ao concello en torno ás 21:00h.

Está pasando!

xov13mar20:00'Romeo y Julieta' en VigoUkrainian Ballet Theater Premiera20:00 Vigo

xov13mar21:00Ponteatro: 'El Verdugo’ de El Espejo NegroCICLO TEATRAL PARA PÚBLICO ADULTO21:00 Pontevedra

ven14marConsultarEntroido Bueu 2025Do 28 de febreiro ao 15 de marzo de 2025(Consultar: venres) Bueu

ven14marConsultarEntroido Poio 2025Do 2 ao 29 de marzo de 2025(Consultar: venres) Poio

VER MÁIS AXENDA