Carpa coa pista de xeo natural no Parque Eguren | Concello de Marín

Marín contará cunha gran pista de xeo natural durante as festas de Nadal

9 Novembro 2026

  • Marín prepárase para vivir unhas festas de Nadal irrepetibles, cunha programación que está practicamente ultimada e que chegará cargada de sorpresas e novidades.
  • O 27 de novembro abrirán a pista e a zona de ocio xuvenil do Parque Eguren, o Mercadiño de Nadal na Alameda e o Carrusel de Nadal de Estrela de Marín.

O Concello de Marín avanza unha das grandes novidades do Nadal Marín: a instalación dunha gran pista de xeo natural, unha proposta que chega por primeira vez á vila e que abrirá as súas portas o 27 de novembro no Parque Eguren.

A pista estará situada nunha carpa e permanecerá aberta ata o 6 de xaneiro, converténdose nun dos puntos de encontro e diversión destas festas. O espazo completarase cunha zona de ocio xuvenil con xogos recreativos gratuítos, ampliando as alternativas para compartir o tempo de lecer durante o Nadal.

A apertura celebrarase cunha chocolatada popular, coa que se dará a benvida a esta nova proposta da programación municipal.

Carpa coa pista de xeo natural no Parque Eguren | Concello de Marín

Desde o 27 de novembro ata o 18 de decembro, a pista de xeo abrirá de luns a xoves de 17.00 a 22.00 horas, reservándose as mañás para reservas de grupos. Os venres, sábados e domingos, o horario será de 11.00 a 14.00 e de 16.30 a 23.00 horas.

A partir do 19 de decembro e ata o 6 de xaneiro, a instalación funcionará todos os días de 11.00 a 14.00 e de 16.30 a 23.00 horas, con excepcións nas datas sinaladas:

O 24 e o 31 de decembro, pechará ás 20.00 horas.

O 25 de decembro, o 1 e o 6 de xaneiro, abrirá unicamente pola tarde, de 16.30 a 23.00 horas.

O prezo para gozar dunha hora na pista será de 6 euros por persoa, coa posibilidade de adquirir luvas por 1,50 euros adicionais.

Tamén se ofrecerán tarifas especiais para grupos que acudan polas mañás con reserva previa: os de entre 5 e 14 persoas terán un prezo de 5 euros por participante, mentres que para os de máis de 15 persoas será de 4 euros por participante.

O 27 de novembro abrirá tamén o Mercadiño de Nadal na Alameda, onde as casiñas de madeira se encherán de decoración, agasallos e repostería típica destas festas. Un espazo para pasear, atopar un detalle especial e gozar dos sabores do Nadal.

Ese mesmo día porase en marcha o Carrusel de Nadal de Estrela de Marín, sumando outro atractivo para o público familiar e contribuíndo a encher de ambiente o centro da vila.

A pista de xeo, o mercadiño e o carrusel serán algúns dos grandes atractivos dun Nadal Marín que ultima os seus preparativos. O Concello dará a coñecer proximamente o conxunto da programación, con propostas para distintas idades e novas sorpresas para encher a vila de ambiente e ilusión durante as festas, así como a imaxe oficial da campaña, que de novo apostará pola ilustración.

Está pasando!

lun09novConsultarPontedetapas 2026 en Pontevedrado 4 ao 22 de novembro  de 2026(Consultar: luns) Pontevedra

lun09nov11:00X Etiqueta Negra en Pontevedraa Feira do Gourmet Galego11:00 Pontevedra

lun09novConsultarProgramación 25N en Pontevedra ‘Guía fácil' para acabar coa violencia machista en 4 sinxelos pasos(Consultar: luns) Pontevedra

lun09nov19:00Proxección de 'Creatura' en PontevedraActividades previas dos Feroz 202719:00 Pontevedra

VER MÁIS AXENDA