Tegra e Dulce Compañía protagonizan a festa de presentación do Incode Fest III no Pub Soulbeer

30 Abril 2026

  • O evento terá lugar o vindeiro sábado 2 de maio ás 19:00 horas, con entrada de balde.
  • A cita servirá como adianto do festival, que encherá a Alameda de Pontevedra de música, inclusión e innovación os días 29 e 30 de maio.

O vindeiro sábado, 2 de maio, o Pub Soulbeer (Rúa Alta, 9) converterase no epicentro da escena musical pontevedresa coa presentación oficial da terceira edición do Incode Fest. A festa, organizada polo Concello de Pontevedra e Artecalavera, promete ser un encontro vibrante para dar a coñecer a esencia dun festival que xa é referente en inclusión e cultura urbana.

Nun ambiente íntimo e próximo, o público poderá gozar dos directos de dúas bandas locais con selo propio: Tegra e Dulce Compañía. Ambas formacións serán as encargadas de prender a mecha e adiantar a enerxía que se vivirá no Incode Fest a finais de mes.

Esta festa de presentación é o punto de partida para unha programación que vai máis alá dos escenarios. O Incode Fest III celebrará os seus días grandes o 29 e 30 de maio na Alameda, cun cartaz que combina artistas emerxentes, escolas de música locais e proxectos centrados na diversidade.

Como novidade e reforzo do seu carácter social, o festival contará tamén cunha xornada específica dedicada á innovación educativa e á inclusión, que terá lugar na Casa Azul o sábado 23 de maio.

A entrada para a festa deste sábado no Soulbeer é totalmente de balde ata completar a capacidade do local, convidando a toda a cidadanía a participar no que será o primeiro capítulo desta terceira edición.

Está pasando!

xov30abr16:30xov18:00Grupo de lactación para familias en PoioServizo de Atención Temperá de Poio16:30 - 18:00 Poio

xov30abr20:00Concerto de Xan Campos en Cangaspresentacón do novo disco 'Amorodios'20:00 Cangas

VER MÁIS AXENDA