Concerto de Marisa Monte en Vigo

dom26xuñ20:30Concerto de Marisa Monte en VigoCICLO XACOBEO IMPORTA20:30 Teatro Afundación - Vigo

Detalles do Evento

Regresan os concertos do Ciclo Xacobeo Importa na súa 11ª edición con coidada oferta de concertos internacionais polas principais cidades galegas con motivo da celebración do Xacobeo 21·22.

Desde a súa 1ª edición no ano 2008, o Ciclo Xacobeo Importa naceu co obxectivo de achegar a Galicia recoñecidos artistas internacionais, referentes nos seus respectivos estilos, nun formato especial, máis próximo ao público, que situase á nosa comunidade dentro do circuíto de xiras internacionais que chegan á península fóra da tempada estival.

Unha das figuras crave da música brasileira das últimas 2 décadas chega por 1ª vez a Galicia co seu propio show dentro dunha exclusiva xira europea que pasará polas principais capitais (Milán, Londres, París, Lisboa, etc) xunto aos seus 3 únicas datas en España (Festival Porta Ferrada en Cataluña, Noites do Botánico en Madrid e o seu concerto en Vigo).

Sen temor a esaxerar, pódese dicir de Marisa Monte que é a actual raíña da música brasileira. Con máis de 15 millóns de discos vendidos en todo o mundo e catro Grammy latinos no seu haber, a que fose unha dos tres vértices de TRIBALISTAS, xunto a Arnaldo Antunes e Carlinhos Brown, é unha estrela que converte en ouro todo o que toca. Admiradora de artistas xenuínos como Roberto Carlos, Jorge Ben, Cole Porter ou The Beatles, en 2021 publica “Portas”, o seu primeiro disco en 10 anos, coproducido por Arto Lindsay, no que locen as colaboracións de Arnaldo Antunes, Nando Reis, Marcelo Camelo ou Jorge Drexler, e no que a bossa nova, o valse carioca, o pop, o soul e ata o funk conviven ao seu pleno antollo. Unha nova marabilla do son brasileiro contemporáneo, engadindo cores e matices a un universo musical sempre en expansión.

Con máis de 30 anos de carreira e considerada a mellor cantante brasileira da súa xeración, Marisa Monte é recoñecida pola súa forza creativa, a calidade da súa discografía, e as súas apaixonantes actuacións en directo. Unha oportunidade irrepetible para ver a unha das grandes, acompañada da súa potente banda para repasar un repertorio sublime.

Entradas anticipadas desde 20,70 euros á venda en Ataquilla.com