Presentación do Festival ACIGA | © Concello de Pontevedra

A ACIGA escolle Pontevedra como espazo para a realización do seu primeiro grande evento, combinando música e cervexa artesá

24 Abril 2024

Entre os días 30 de abril e 4 de maio, o Pazo da Cultura e o Recinto Feiral serán testemuñas das xornadas técnicas organizadas polo colectivo, os Premios ACIGA, a Feira de Artesanía, vinilos e 2ª de man e do Troneira Fest

Pontevedra terá unha cita imperdíbel coa cerveza artesá e os seus produtores grazas ao Festival ACIGA que a Asociación de Cerveceiros Indepententes Galegos Artesáns realizarán na cidade de Pontevedra entre o 30 de abril e o 4 de maio.

Trátase dunha programación especial e ampla, que inclúe unha xornada técnica alimentaria promovida pola propia ACIGA, o 30 de abril; os Premios ACIGA, o 1 de maio, a Feira de artesanía, vinilos e 2ª man entre o 1 e o 2 de maio; e o festival de música Troneira Fest, entre o 3 e o 4 de maio. Todo isto dacabalo entre o Pazo da Cultura e o Recinto Feiral.

Así o presentou a concelleira de Promoción Económica, Anabel Gulías, sinalando que este é un evento «pensado e ideado para esta cidade», e único nas súas características dentro de toda Galiza. «Estou moi agradecida a ACIGA ao pensaren en nós como sede deste evento. Sempre é un orgullo albergar durante estes días este evento. Está moi ben deseñado, moi ben pensado e só quero dicir que é unha proposta ambiciosa e seria, que pretende poñer en valor un produto tan interesante como é a cervexa artesá, mais aínda nesta época de consumo masificado e comercial, competindo con grandes nomes da industria».

O Concello de Pontevedra respaldará esta iniciativa, que combina de xeito exemplar o lecer e o ocio, coa visibilización da industria alimentaria galega e de proximidade.

Pola súa banda, o presidente da ACIGA, Alberte Fernández, lembra que a asociación leva desde o ano 2020 traballando no eido da cervexa artesá, agrupando a gran maioría de selos de cervexa artesá existentes no país.

Cómpre indicar que dentro deste Festival ACIGA está o Troneira Fest, que funciona como un festival de música punk-rock de bandas galegas procedentes de distintos puntos do país e do Estado.

Todas as actividades incluídas na programación son de balde. A maiores das actividades xa nomeadas, figuran outras paralelas como a degustación de produtos alimentarios de Galiza, catas, exposicións benéficas, xogos infantís ou monólogos.

Está pasando!

xov09mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov09mai19:15xov20:45Proxección de 'Lawrence de Arabia' en Vigo'NO CAMIÑO. PELÍCULAS DE ESTRADA, VIEIROS E HORIZONTES'19:15 - 20:45 Vigo

ven10maiConsultarFesta do Choco en Redondela10 , 11 e 12 de maio de 2023(Consultar: venres) Redondela

ven10mai20:00Oviravai presenta ‘O Violín de Luisa’ en Sanxenxo'sanxenxo fala'20:00 Sanxenxo

VER MÁIS AXENDA