maio, 2021

08mai20:00'Conexión Pingüín'Culturactiva20:00 Auditorio Municipal de Vilagarcía, Vilagarcía de ArousaEvento tipo:Escena

Detalles do Evento

O teatro regresa en maio ao Auditorio de Vilagarcía con dous grandes e coñecidos actores galegos: Luis Iglesia e Marcos Orsi que, da man da compañía Culturactiva, representarán “Conexión Pingüín” outra comedia que nos fala do problema da incomunicación entre os humanos en tempos nos que nunca tantos medios de comunicación temos a nosa disposición.

Unha reflexión cómica, en dous tempos, a dúas voces, sobre a incomunicación na era da comunicación, nunha posta en escena que mestura neve polar, móbiles de última xeración, pingüíns no horizonte, mamá non se enteira, cordas enredadas, un mapa, un compás, un GPS, …

“Conexión Pingüín” é unha comedia que quere falar da incomunicación entre os seres humanos. Este mal fai estragos todo os días e a todas horas, na casa, coa familia, no tráfico, no traballo…  Estamos na súper era tecnolóxica, da conexión inmediata, da telecomunicación, mais nunca estivemos tan lonxe entre as persoas.

A trama desta montaxe ten dous planos aparentemente distantes na época, na latitude e no contexto, mais conectados pola liña condutora deste divertido texto. Por un lado, os nosos dous protagonistas trasladarán ao público ao ano 1923, cando tivo lugar unha famosa expedición con rumbo ao polo sur magnético.

Dous intrépidos montañeiros, con falta de sentido común e exceso de ego, terán que loitar contra as inclemencias polares, a falta de escoita, o despiste mortal e as súas propias barbas, que non paran de medrar. E por outro lado, unha conferencia formal que, case un século despois, rememora e actualiza aquela  fazaña antártica.

As entradas para os espectáculos do convenio da Concellería de Cultura e a Agadic teñen un prezo de 5,00 euros para o público en xeral. As persoas maiores de 65 anos, a mocidade e as persoas desempregadas poden acceder co prezo reducido a 3,00 euros, previa acreditación da súa condición mediante presentación do DNI, carné xove e tarxeta do paro respectivamente.

As entradas pódense adquirir de forma anticipada a través de Ataquilla.com e non teléfono 902504500 (máis custes de xestión) ou, de non esgotarse antes, o mesmo día da función, a partir das 18:00 h. na billeteira do Auditorio.

Hora

(Sábado) 20:00

Localización

Auditorio Municipal de Vilagarcía

Av. da Mariña, s/n, 36600 Vilagarcía de Arousa

Está pasando!