O primeiro campionato internacional ‘Galicia Pádel Máster’ celebrarase en Pontevedra no mes de xuño 

26 Abril 2024

O Pavillón Municipal dos Deportes acollerá a pista central do 24 ao 30 de xuño e o Recinto Feiral contará con outras 3 pistas para un campeonato amateur. Ademais programaranse conferencias e concertos

A primeira visita de A1 Pádel a territorio galego será un verdadeiro espectáculo, máis aló do que poidan gozar os afeccionados do que ocorra sobre a moqueta vermella, tamén poderán participar de distintas actividades paralelas.

O ‘Galicia Pádel Máster’ desenvolverase do 24 ao 30 de xuño no Pavillón Municipal dos Deportes e no Recinto Feiral de Pontevedra.

Personalidades do mundo do deporte como Toni Nadal (adestrador de tenis) ou Almudena Cid (ex ximnasta olímpica) ofrecerán ‘clínics’ e charlas nun ciclo de conferencias.

Ademais da instalación da pista principal do torneo profesional no Pavillón Municipal dos Deportes, o ‘Galicia Pádel Máster’ contará con tres pistas máis no interior do Recinto Feiral destinadas a adestramentos e un torneo amateur. No interior do Recinto habilitarase tamén a zona de exposición, mentres que o exterior estará a zona gastronómica.

Tamén haberá concertos, como o que o venres 28 de xuño darán no exterior do Recinto Feiral os grupos Celtas Cortos, La Frontera e La Guardia, co humorista Jorge Cremades exercendo de DJ.

As entradas xa están á venda en enterticket.es

Está pasando!

xov09mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov09mai19:15xov20:45Proxección de 'Lawrence de Arabia' en Vigo'NO CAMIÑO. PELÍCULAS DE ESTRADA, VIEIROS E HORIZONTES'19:15 - 20:45 Vigo

ven10maiConsultarFesta do Choco en Redondela10 , 11 e 12 de maio de 2023(Consultar: venres) Redondela

ven10mai20:00Oviravai presenta ‘O Violín de Luisa’ en Sanxenxo'sanxenxo fala'20:00 Sanxenxo

VER MÁIS AXENDA