curtis

Curtis Harding, un dos artistas estrela do Festival TerraCeo, colga o cartel de entradas esgotadas

27 Xuño 2023

  • Curtis Harding, o cantante estadounidense de soul, combinado con rock, garaxe e mesmo psicodelia, colga o cartel de entradas esgotadas para o seu concerto este venres dentro do festival TerraCeo
  • A electrizante actuación de Curtis promete deixar un excelente sabor de boca para seguir a festa o sábado coa actuación da La La Love You e o seu contaxioso pop-bailable. Directo para o que, ademais, restan poucas localidades
  • O Festival TerraCeo continúa en xullo cunha programación imparable achegando a Vigo as actuacións de bandas de gran renome internacional como Tinariwen ou Kitty, Daisy & Lewis

O éxito sen precedentes do Festival TerraCeo continúa cun novo sold-out dentro da cuarta edición. O estadounidense Curtis Harding convértese no cuarto artista en colgar o cartel de entradas esgotadas este ano. Curtis chega este venres á terraza do Mar de Vigo para presentar o seu último disco “If Words Were Flowers” nun escenario cheo de expectativas, onde a música e a emoción uniranse para crear unha velada de soul inesquecible.

Curtis Harding, recoñecido pola súa impresionante voz e o seu estilo único no que combina soul, rock, garaxe e mesmo psicodelia, cativará ao público coa súa electrizante actuación este venres na terraza do Mar de Vigo. O último disco de Curtis, “If Words Were Flowers”, é unha viaxe sonora chea de soul e emocións vibrantes. A súa capacidade para fusionar xéneros e a súa voz potente e inconfundible prometen unha experiencia inesquecible para os afortunados asistentes que esgotaron todas as entradas para este esperado concerto.

Pero a diversión esta fin de semana non se deterá aí. O sábado, La La Love You apoderaranse do escenario co seu pop-bailable contaxioso. Presentando o seu traballo “Blockbuster”, a banda madrileña deleitará ao público coa súa enerxía desbordante e as súas melodías pegadizas. Cun estilo fresco e letras que convidan a bailar, crearán un ambiente festivo e vibrante para os asistentes que acudirán a gozar desta actuación única e a cantar a pleno pulmón iso de “Y tú bailando, bailando, bailando…”

O festival TerraCeo consolidouse como un evento musical de referencia, e esta cuarta edición promete superar todas as expectativas. A combinación da intensidade e paixón de Curtis Harding xunto coa enerxía contaxiante de La La Love You aseguran unha fin de semana redonda para os amantes da boa música.

Imaxe do concerto de Pancho Varona na terraza do Mar de Vigo | © Xavi Iglesias

TerraCeo achegará tamén este mes de xullo o pop/folk de Julieta Venegas (co aforo completo na terraza do Mar de Vigo); a mestura de R&B e blues dos irmáns Kitty, Daisy & Lewis, o novo flamenco de María José Llergo ou desert blues dos Tinariwen. E xa en setembro, TerraCeo se despedirá co rap de HARD GZ, para o que restan poucas entradas á venda, e o inclasificable trap de Boyanka Kostova.

Esta nova edición de TerraCeo conta co apoio de Mahou Cinco Estrellas na súa aposta por reivindicar que os encontros entre persoas son esenciais para vivir mellor.

Toda a información sobre a venda de entradas pode atoparse na páxina web do Mar de Vigo, www.auditoriomardevigo.com ou na billeteira www.teuticket.com

Está pasando!

xov09mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov09mai19:15xov20:45Proxección de 'Lawrence de Arabia' en Vigo'NO CAMIÑO. PELÍCULAS DE ESTRADA, VIEIROS E HORIZONTES'19:15 - 20:45 Vigo

ven10maiConsultarFesta do Choco en Redondela10 , 11 e 12 de maio de 2023(Consultar: venres) Redondela

ven10mai20:00Oviravai presenta ‘O Violín de Luisa’ en Sanxenxo'sanxenxo fala'20:00 Sanxenxo

VER MÁIS AXENDA