outubro, 2021

03out10:30Ruta polo 'Sendeiro de Rialdarca''Descubre moaña no outono10:30 Concello de Moaña, MoañaEvento tipo:Outras

Detalles do Evento

Da man da Asociación A Illa dos Ratos, o Concello de Moaña organiza o programa ‘Descubre Moaña no Outono’, con rutas guiadas gratuítas que terán lugar nos meses de setembro, outubro e  novembro.

Ruta polo ‘Sendeiro de Rialdarca’

Dende o ano 2005 ata a actualidade, veciños dos barrios deste val de Moaña, decidiron organizarse para tratar de poñer en valor un entorno ao redor dunha senda que durante moito tempo fora unha vía de comunicación moi empregada entre o centro do pobo e os barrios próximos a San Martiño e a “Moaña alta”, dentro dunha zona cun enorme uso agrario, muiñeiro e para o lavado tradicional de roupas. No ano 2019, da man do concello de Moaña, vén de elaborarse unha estratexia para converter a medio prazo este entorno nun corredor ambiental que vertebre diferentes barrios desta zona da vila. Daremos un dobre enfoque á ruta:

Por unha banda, seguindo un enfoque ambiental, trataremos o problema das especies invasoras e outras ameazas ambientais que se aprecian neste entorno natural e dos seus efectos sobre o ecosistema autóctono no que atopamos especies ameazadas como a anguía europea, anfibios endémicos de Galicia, aves rapaces e ata 15 especies de árbores autóctonas.

Por outra, centrarémonos no aspecto etnográfico e utilizaremos as características, historias e anécdotas de Rialdarca como exemplo para coñecer como era a vida no rural galego baseada no cultivo do campo, especialmente de millo e viño, que xogaban un papel moi importante na economía familiar.


Ata que a evolución da pandemia da Covid 19 e o ritmo das vacinacións nos permitan retomar a normalidade na nosa actividade, cada ruta contará unicamente con 20 prazas.

Os interesados deben realizar unha inscrición previa via whatsapp no teléfono 611 08 08 53 ou por email info@ailladosratos.org

Así mesmo e como novidade, poden consultar toda a información do programa de roteiros na web www.ailladosratos.org


Hora

(Domingo) 10:30

Localización

Concello de Moaña

Está pasando!