This is a repeating event13 agosto 2026 10:00

XXXVI Feira do Mel 'Meleira' en Pontevedra

ven14ago10:00ven21:30XXXVI Feira do Mel 'Meleira' en Pontevedrado 11 ao 14 de agosto de 202610:00 - 21:30 Rúa Serra - Pontevedra

Detalles do Evento

A Zona Monumental de Pontevedra acolle do martes 11 ao venres 14 de agosto unha nova edición do seu emblemático mercado do mel, rebautizado como Meleira.

Este evento, que se situa na rúa Serra, á beira do Mercado de Abastos, conta cunha completa programación deseñada para toda a familia, con actividades en quendas de mañá e tarde:

Obradoiros diarios de extracción de mel (ás 20:00 horas), onde os asistentes poderán coñecer de primeira man como se obtén o produto, probalo no momento e participar na extracción.

Degustacións gratuítas todos os días, que maridarán o mel con outros produtos autóctonos: o martes inaugurarase con Pan de Cea con Mel de Galicia IXP; o mércores haberá degustación de queixos galegos con DOP; e o xoves e venres ofrecerase iogur con mel.

Catas formativas, que inclúen unha cata dos queixos gañadores das catas oficiais do ano anterior (mércores pola mañá) e unha cata didáctica de mel (xoves pola mañá) para descubrir os matices salgados, acedos ou amargos de cada variedade.

Actividades infantís e creativas, que inclúen unha función de títeres o martes pola tarde e un obradoiro de elaboración de velas con cera de abella o xoves pola tarde.