Enseada e Illa de San Simón | © Concello de Redondela

Redondela ofrece 16 roteiros para disfrutar do seu patrimonio ambiental e cultural no mes de xullo

29 Xuño 2026

  • Os concelleiros Rita Pérez e Roberto Villar presentaron o calendario de rutas para o mes de xullo. Este programa, consolidado cun gran éxito de participación ano tras ano, inclúe un amplo abano de propostas de carácter ambiental, histórico e patrimonial que suman un total de 16 saídas ao longo de todo o mes.
  • A ruta “O Mundo das Aves e Outros Animais do Lusco e Fusco” é unha das novidades do programa. Será o 19 de xullo no novo paseo peonil de Porto Cedeira. A axenda complétase con rutas de sendeirismo, kaiak, visitas ao Cemiterio dos Eidos, as saídas “As Mulleres da Vila: Da Historia á Memoria” e a cita astronómica no Outeiro Grande, entre outras actividades.

O Concello de Redondela presentou a súa programación oficial de Roteiros Ambientais e Culturais para o mes de xullo de 2026. A concelleira de Cultura e Turismo, Rita Pérez, e o concelleiro de Infraestruturas e Sostibilidade, Roberto Villar, deron a coñecer o programa, que conta con 16 actividades ao longo do mes.

Pérez Táboas salientou que esta programación consolídase no verán redondelán “cun gran éxito de participación ano tras ano” e inclúe un amplo abano de propostas cun forte compoñente ambiental e histórico. A oferta patrimonial inclúe visitas con perspectiva social como o itinerario “As Mulleres da Vila: Da Historia á Memoria” (14 e 28 de xullo) ou os dous percorridos guiados ao Cemiterio dos Eidos (7 e 21 de xullo). Pérez lembrou que “estas propostas dinamizan o turismo local e cultural fóra dos circuítos convencionais”.

A gran novidade deste verán é a actividade “O Mundo das Aves e Outros Animais do Lusco e Fusco”, o domingo 19 de xullo de 19:45 a 22:00 horas. Neste roteiro os participantes poderán coñecer a biodiversidade deste espazo natural, ademais de poñer en valor paseo peonil de Porto Cedeira, unha infraestrutura litoral habilitada polo Concello para conectar a contorna urbana co mar a través dunha senda sostible de 2.000 metros. Este novo paseo amosa “o compromiso firme do Goberno local por recuperar espazos públicos para a veciñanza e convertelos, ao mesmo tempo, en aulas de natureza abertas a todo o mundo”, explica o concelleiro de Infraestruturas e Sostibilidade, Roberto Villar.

O edil fixo fincapé no coidado ambiental que rexe estas actividades, lembrando que a maioría transcorren por espazos protexidos ou recuperados, como as rutas polos ríos Pexegueiro (11 de xullo) e Fondón (19 de xullo), ou o espazo arqueolóxico do Monte Penide (12 de xullo). “Melloramos espazos verdes para que a veciñanza poida gozar deles cun impacto cero no ecosistema”.

A programación complétase con saídas en kaiak pola Enseada de San Simón e A Portela, a observación astronómica no Miradoiro do Outeiro Grande, paseos nocturnos en Cesantes e dúas visitas teatralizadas no Museo Meirande o sábado 25.

A maioría dos roteiros son de balde con prazas limitadas. As persoas interesadas deben realizar inscrición previa a través do teléfono 986 401 713 ou do correo electrónico turismo@redondela.gal

A programación dos Roteiros Ambientais e Culturais para o mes de xullo é a seguinte:

SÁBADO 4

  • Kaiak na Enseada de San Simón. 10:30-13:00h. 20€/persoa.

SÁBADO 4

  • Paseo nocturno “Observación Xeográfica, Histórica e Natural da Ría de Vigo”. 20:00-22:30h. Miradoiro do Outeiro Grande. De balde.

DOMINGO 5

  • Ruta ambiental “Terras de Saxamonde e Vilar de Infesta”. 10:00-13:00h. De balde.

MARTES 7

  • Visita guiada ao Cemiterio dos Eidos. 19:00-20:00h. De balde.

SÁBADO 11

  • Ruta ambiental “O Río Pexegueiro”. 10:00-13:00h. De balde.

SÁBADO 11

  • Paseo nocturno “A Punta de Cesantes”. 21:00-23:15h. De balde.

DOMINGO 12

  • Ruta arqueolóxica e ambiental “O Monte Penide”. 10:00-13:00h. De balde.

MARTES 14

  • Visita guiada “As Mulleres da Vila: Da Historia á Memoria”. 19:00-20:00h. De balde.

XOVES 16

  • Starlight. Visión do ceo nocturno. Miradoiro do Outeiro Grande. 22:30h. 3€/persoa.

DOMINGO 19

  • Ruta ambiental “O Bosque do Río Fondón”. 10:00-13:00h. De balde.

DOMINGO 19

  • “O Mundo das Aves e Outros Animais do Lusco e Fusco”. Novo Paseo de Porto Cedeira. 19:45-22:00h. De balde.

MARTES 21

  • Visita guiada ao Cemiterio dos Eidos. 19:00-20:00h. De balde.

MÉRCORES 22

  • Kaiak turístico á Portela. 10:30-12:30h. 20€/persoa.

SÁBADO 25

  • Visita guiada teatralizada no Mueso Meirande. 2 pases. 16:30-17:30 e 18:00-19:00 h. De balde.

MARTES 28

  • Visita guiada “As Mulleres da Vila: Da Historia á Memoria”. 19:00-20:00 h. De balde. Reserva previa: 986 401 713. turismo@redondela.gal
Está pasando!

mar30xuñ19:00Concerto 'Poesíacordes' en PontevedraFRANCISCO CASTRO E VALERIO ARAÚJO19:00 Pontevedra

VER MÁIS AXENDA