© Terela Grandín

O Son da Rúa continúa en Pontevedra coas ‘Noitadas de Jazz’ na Ferraría

19 Xullo 2021

  • Entre o luns 19 e o venres 23 de xullo, a praza da Ferraría servirá de escenario para cinco concertos diferentes.
  • Os concertos, de carácter gratuíto, desenvolveranse do mesmo xeito cos acontecidos até o de agora, cumprindo as normativas sanitarias actuais.

Seguindo o Axenda de Verán 21, o programa ‘O Son da Rúa’ continúa a ofrecer unha programación diaria de actividas lúdicas para a veciñanza de Pontevedra e os seus visitantes.

Este luns dará comezo o ciclo ‘Noitadas de Jazz’, cita de carácter musical, co jazz ao vivo como protagonista.

Deste xeito, a praza da Ferraría acollerá un total de cinco concertos diferentes ao longo de cinco días, todos programadas para as 22 horas.

Abrirá o ciclo a cantante e compositora galega Terela Grandín cun repertorio que rescata o mellor de Dori Caymmi. Caymmi, compositor de orixe brasileira, viu xa interpretados os seus temas por artistas como Sarah Vaughan ou Dianne Reeves. Cunha enorme calidad melódica e harmónica, a música do brasileiro posúe un intimismo e unha emoción propia dos máis grandes artistas do seu país, agora revisadas e transmitidas por unha das mellores voces do país.

Doutra banda, Xan Campos Trío aterrará na cidade durante a segunda noitada cun repertorio que toma como base o seu disco Realismo, publicado en marzo do 2020, onde o pianista de Cangas volve demostrar o colosal talento que posúe sobre as teclas, como líder da agrupación e como unha das mentes máis frescas do jazz galego.

O mércores 21 de xullo, Chemin Jazz Quartet aparecerán baixo os focos; seguidos de Current Location o xoves 22 e de Circus o venres 23.

Mantendo viva o lume de conseguir levar o jazz tamén polas rúas da cidade, a cada recuncho da mesma, haberá dous pasarrúas diarios durante o ciclo, ás 12:00 e ás 20:00 horas, da man da Street Band Chivinjazz.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA