A Fundación Manuel Moldes acolle o obradoiro de caligrafía china ‘Os catro tesouros’, dirixido por Guillermo Aymerich

28 Outubro 2026

O ciclo ‘Tecendo redes’, realizado en colaboración coa Deputación de Pontevedra, busca fortalecer os lazos e crear sinerxías entre o mundo da arte e a sociedade.

Dentro deste marco, a Fundación Manuel Moldes realiza actividades de dinamización cultural para tódolos públicos que permiten achegar e coñecer segredos de diferentes disciplinas artísticas da man de artistas de recoñecida traxectoria en cadanseu campo.

Actividades previas do ciclo presentaron obradoiros de acuarela líquida, ilustración cinematográfica ou stop motion, esgotando tódalas prazas dispoñibles.

Nesta nova iteración, ‘Tecendo redes’ presenta ‘Os catro tesouros’, un obradoiro dirixido por Guillermo Aymerich no que os participantes aprenderán os ingredientes esenciais (materiais, técnica…) da caligrafía china e poderán practicala.

Guillermo Aymerich é un artista lalinense multidisciplinar, profesor de Belas Artes nas facultades de Valencia e Beijing (China).

‘Os catro tesouros’ terá lugar este próximo sábado 7 de novembro ás 18:30 horas na sede da Fundación Manuel Moldes en Pontevedra (r/ Benito Corbal 47, 8º andar. Entrada por r/ Javier Puig, 3).

A actividade é de balde con prazas limitadas, para inscribirse cómpre mandar os datos da persoa interesada por correo á dirección info@fundacionmanuelmoldes.org.

Está pasando!

mér28outConsultarA Noite dos Calacús 2026 en PontevedraDo 23 de outubro ao 1 de novembro de 2026(Consultar: mércores) Pontevedra

mér28out17:30mér19:00'Amor de medo' en Poioos 12 mitos do amor romántico que che quitan o sono17:30 - 19:00 Poio

xov29out18:30Contacontos ‘Contos da veciñanza’ en RedondelaEspecial Samaín 202618:30 Redondela

xov29out20:30Concerto do grupo Caldo en Pontevedraciclo ‘Música para reCREAr’20:30 Pontevedra

VER MÁIS AXENDA