Aberto o prazo de inscrición para a derradeira ‘Depo Ruta BTT’ polo concello de Forcarei

10 Agosto 2022

As persoas interesadas en realizar esta ruta en bicicleta o 18 de setembro xa poden inscribirse a través dun formulario na web da Deputación de Pontevedra

A Deputación de Pontevedra mantén aberto o prazo de inscrición para todas as persoas interesadas que desexen participar na última ‘Depo Ruta BTT’ prevista para o 18 de setembro no concello de Forcarei.

Esta actividade está incluída no programa ‘Depoactívate’ co que a Deputación quere fomentar os hábitos saudables a través da práctica de actividade física e deportiva en contacto coa natureza.

A institución provincial ofrece un total de 200 prazas para esta ruta na que as persoas interesadas en participar poden inscribirse cun formulario xa dispoñible na web provincial www.depo.gal.

Esta ‘Depo Ruta BTT’ transcorrerá polo concello de Forcarei, visitando lugares emblemáticos da Serra do Candán como o Alto do Candán, o Alto do Coco ou as Neveiras de Fixó. Tratarase dunha ruta circular que terá como punto de saída e chegada a Casa da Escola de Fixó.

A Ruta ten unha percorrido de 30 quilómetros e un desnivel de 950 metros, polo que se considera de dificultade media-alta.

As ‘Depo Rutas BTT’ ofrecen percorridos en bici polos montes da provincia de Pontevedra, que esconden unha riqueza natural, ecolóxica e patrimonial inigualable.

O programa está dirixido ás persoas que gocen do deporte en contacto coa natureza; as ‘Depo_Rutas BTT’ abren a posibilidade de viaxar doutra maneira nunha aposta pola actividade física como forma de vida para coñecer e descubrir a variedade patrimonial da nosa provincia.

As ‘Depo_Rutas BTT’ están dirixidas a persoas, grupos de amigas e amigos ou familias, maiores de 16 anos, que se consideren aptas para levar a cabo a actividade. As e os menores de idade deberán ir acompañados dunha persoa representante ou titora legal; no caso de familias con varias fillas ou fillos abondará cunha persoa representante ou titora legal por familia.

As rutas serán neutralizadas, estarán sinalizadas e deberanse seguir o itinerario e o ritmo marcados pola organización. Será rigorosamente obrigatorio o uso de casco protector durante todo o percorrido. O feito de non respectar esta norma suporá a exclusión da ruta.

Está pasando!

ven26abrConsultarLXIV Festa da Lamprea de Arbo 26, 27 e 28 de abril de 2024(Consultar: venres) Salvaterra de Miño

ven26abrConsultarPortonovo GastronómicoDo 26 ao 28 de abril de 2024(Consultar: venres) Sanxenxo

ven26abrConsultarI Ruta Pinchoterra en Salvaterra de MiñoTodos os venres do mes de abril(Consultar: venres) Salvaterra de Miño

ven26abr20:00Fran Sieira presenta 'Ceibe' en VilagarcíaREDE GALEGA DE TEATROS E AUDITORIOS (AGADIC)20:00 Vilagarcía de Arousa

VER MÁIS AXENDA