Barón Rojo porá a nota heavy aos concertos de San Roque en Vilagarcía

3 Xullo 2022

  • O cartel dos concertos das festas de San Roque en Vilagarcía complétase coa incorporación dunha das bandas máis míticas do heavy español: Barón Rojo
  • A formación creada na década dos 80 tocará o sábado 13 de agosto no Parque da Xunqueira no marco da súa xira de despedida que este e o vindeiro ano os levará por escenarios de toda España, Sudamérica e Estados Unidos
  • Os amantes do metal español máis clásico poderán volver a escoitar grandes éxitos da banda como ‘Larga vida al rock& roll’, ‘Hijos de Caín’, ‘Con las botas sucias’, ‘Los rockeros van al infierno’ ou ‘Siempre estás ahí’

Barón Rojo despegou no ano 1981 con ‘Larga vida al rock and roll’, o éxito inmediato do álbum que levaba ese mesmo título e ao que seguiron o multiplatino ‘Volumen Brutal’ e ‘Metalmorfosis’ que os elevaron ao Olimpo do rock con audiencias xigantescas e ventas millonarias de discos. Ao final dos 80, tras a marcha de dous seus compoñentes, Sherpa e Hermes, os irmáns Carlos e Armando de Castro fanse cargo da banda e, non sen dificultades durante a década dos 90 -tempos pouco favorables para o rock-, sacan discos como ‘Arma Secreta’. Na última década, Barón Rojo colleu un novo pulo e volveu a tocar en grandes recintos e ante públicos multitudinarios.

Con Barón Rojo, a Concellería de Cultura completa un cartel de actuacións musicais para as festas de San Roque no que inclúe unha ampla variedade de estilos co obxectivo de tratar de chegar a públicos de todos os gustos e de todas as idades.

Os concertos comezarán o xoves 11 de agosto co pop de La La Love You. O venres 12 será o trap de Hens o que soará na Xunqueira para un público máis xuvenil. O sábado 13, o heavy metal tronará da man de Barón Rojo e o domingo 14, a melódica voz da cantante e compositora chilena Mon Laferte, encandilará a un público máis versátil cos seus temas que van dende o bolero ao rock, pasando pola cumbia, o pop e ata o reaggy. Por último, o poprock doutra banda mítica, MClan, soará en directo o venres 19 de agosto. Os amantes da verbena, terán este mesmo día, o 19 de agosto, a actuación da orquestra New York na Avenida da Mariña. Todas as actuacións son de balde.

Está pasando!

xov09mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov09mai19:15xov20:45Proxección de 'Lawrence de Arabia' en Vigo'NO CAMIÑO. PELÍCULAS DE ESTRADA, VIEIROS E HORIZONTES'19:15 - 20:45 Vigo

ven10maiConsultarFesta do Choco en Redondela10 , 11 e 12 de maio de 2023(Consultar: venres) Redondela

ven10mai20:00Oviravai presenta ‘O Violín de Luisa’ en Sanxenxo'sanxenxo fala'20:00 Sanxenxo

VER MÁIS AXENDA