Cursos do Museo da Ciencia do Viño

mér13outConsultarven31decCursos do Museo da Ciencia do ViñoACTIVIDADES FORMATIVAS OUTONO 2021(Consultar)

Detalles do Evento

Dende a súa apertura no mes de febreiro do ano 2019 o Museo da Ciencia do Viño do Condado do Tea, situado dentro do Castelo de Dona Urraca no municipio de Salvaterra de Miño, está sendo todo un referente cultural sobre a vitivinicultura e enoloxía en España.

O Concello de Salvaterra de Miño e a Confraría do Viño do Condado do Tea e Espumosos, animados pola acollida e participación de edicións anteriores, presentan unha variada oferta de cursos relacionados co mundo do viño para o outono de 2021, un proxecto ambicioso en canto a volume e calidade de actividades programadas.

Os cursos están dirixidos tanto a afeccionados ó mundo do viño en xeral coma a todos aqueles profesionais que realizan as súas funcións en bodega, hostalaría, enoturismo ou distribución que desexen ofrecer un óptimo servizo ós clientes a través dun mellor coñecemento da cultura do viño.

Estes cursos están impartidos por Jorge Vila, un formador homologado con ampla experiencia como docente e un profundo coñecemento do mundo do viño.

As devanditas accións formativas combinan ideas teóricas con catas dinámicas prácticas, de maneira que o seu seguimento resulta sinxelo e ameno.

Así, a través destas accións formativas, sen coñecementos previos e en moi pouco tempo, conseguimos entender moito mellor o viño e aprender a aprecialo. O programa expón as principais claves para gozar do viño, aplicándoas ós viños tanto da comunidade autónoma de Galicia coma das principais rexións vitícolas europeas (España, Portugal, Francia e Italia).

  • CURSO INICIACIÓN Á CULTURA DO VIÑO

2 sesións, 3 horas cada unha. 13 e 20 de outubro de 2021. (mércores)

*12 viños a catar

Matrícula 50€ IVE incluído

  • CURSO VIÑOS DE GALICIA E PORTUGAL

2 sesións, 3horas cada unha. 8 e 15 de novembro de 2021. (luns)

*12 viños a catar

Matrícula 60€ IVE incluído

  • CURSO OS GRANDES CLÁSICOS: ESPAÑA, FRANCIA E ITALIA

2 sesións, 3 horas cada unha. 29 de novembro e 13 de decembro de 2021 (luns)

*12 viños a catar

Matrícula 60€ IVE incluído

  • CURSO WSET CUALIFICACIÓN DE  NIVEL 1 EN VIÑOS

1 sesión de 8 horas. Primeiro semestre de 2022

*9 viños a catar

Matrícula 195€ IVE incluído

  • CURSO WSET CUALIFICACIÓN DE NIVEL 2 EN VIÑOS

2 sesións de 17 horas total. Primeiro semestre de 2022

*43 viños a catar

Matrícula 595€ IVE incluído

As actividades desenvolveranse de xeito presencial na Casa do Conde, edificio histórico que forma parte das instalacións do Museo da Ciencia do Viño, cumprindo coas normas seguridade e hixiene imperantes.

Os alumnos recibirán, ó remate do curso un diploma acreditativo.

As inscricións poderán facerse a través do enderezo electrónico: museocienciavino@concellodesalvaterra.org ou ben vía telefónica no 617.14.88.66. As prazas son limitadas.

Hora

Outubro 13 (Mércores) - Decembro 31 (Venres)

Está pasando!

sáb27abrConsultarLXIV Festa da Lamprea de Arbo 26, 27 e 28 de abril de 2024(Consultar: sábado) Salvaterra de Miño

sáb27abrConsultarPortonovo GastronómicoDo 26 ao 28 de abril de 2024(Consultar: sábado) Sanxenxo

sáb27abr12:30Festival Galegote Rock en PontevedraFestival de bandas galegas con letras en galego12:30 Pontevedra

sáb27abr20:00Pontevedrada 2024marcha nocturna e ininterrompida a pé20:00 Pontevedra

VER MÁIS AXENDA