This is a repeating event20 xullo 2024

Atlantic Fest 2024 en Vilagarcía

ven19xulConsultarAtlantic Fest 2024 en Vilagarcía19, 20 e 21 de xullo de 2024(Consultar: venres) Praia da Concha - Vilagarcía de Arousa

Detalles do Evento

Atlantic Fest é un dos clásicos do verán nas Rías Baixas celebrado nun espazo fantástico: a vilagarciá praia da Concha. Artistas da escena nacional e bandas galegas actúan neste festival único que durante tres días lle permite ao público gozar da mellor música e da gastronomía mariñeira do Salnés.

O recinto do Atlantic Fest 2024 terá capacidade para 10.000 persoas e contará con dous escenarios: Escenario Galicia e Vibra Mahou, ambos os situados na citada praia arousana. O escenario Vibra Mahou funcionará os días 19 e 20 de xullo, mentres que o escenario Galicia farao os días 20 e 21 de xullo.

O horario dos concertos é o seguinte:

VENRES 19 DE XULLO

GAZELLA VIBRA MAHOU 20:30

ROCÍO SAIZ VIBRA MAHOU 21:30

ALCALÁ NORTE VIBRA MAHOU 22:50

THE PARROTS VIBRA MAHOU 00:10

CARLOS ARES VIBRA MAHOU 1:30

GRANDE OSSO VIBRA MAHOU 21:10 | 22:20 | 23:40 | 1:00

SÁBADO 20 DE XULLO

FLORENT Y YO VIBRA MAHOU 13:30

SÍLVIA PÉREZ CRUZ GALICIA 14:30

DANI DICOSTAS VIBRA MAHOU 16:00

DERBY MOTORETA’S BURRITO KACHIMBA GALICIA 17:00

LUIS FERCÁN VIBRA MAHOU 18:15

CARLOS SADNESS GALICIA 19:30

CARIÑO VIBRA MAHOU 20:45

LOS PLANETAS GALICIA 22:00

DEPEDRO VIBRA MAHOU 23:15

CRYSTAL FIGHTERS GALICIA 00:45

DOMINGO 21 DE XULLO

LAS DIANAS GALICIA 17:30

ANDRÉS SUÁREZ GALICIA 19:00

SIDONIE GALICIA 20:30

MIKA GALICIA 22:15

ELEFANTES GALICIA 00:00

GRANDE OSSO GALICIA 21:45 | 23:30

ROCÍO SAIZ DJ SET GALICIA 16:30 | 20:00

Para facilitar a mobilidade dos asistentes, o festival dispuxo sete bolsas de aparcamento na zona, unha delas para autocaravanas e outra exclusiva para persoas con mobilidade reducida -esta última situada na entrada do recinto do festival.

Así mesmo, conta cunha zona de acampada situada no Cámping Río Ulla, polo que o festival poñerá buses gratuítos unindo o Recinto do festival / Estación de tren (parada en baixada estación de tren) ao Cámping durante os tres días que dura o evento.

Abonos e entradas por día á venda en atlanticfest.com

RÍAS BAIXAS FEST

O Atlantic Fest forma parte do Rías Baixas Fest, unha marca creada pola Deputación de Pontevedra para impulsar e promover un circuíto de festivais de música que achegan, xunto cunha oferta musical de calidade, experiencias turísticas que contribúen a situar a Rías Baixas-Pontevedra Provincia como un gran destino cultural e de lecer.

Actualmente, a marca agrupa cinco grandes festivais celebrados en distintos puntos da provincia de Pontevedra: PortAmérica (Portas), Sinsal Son Estrella Galicia (illa de San Simón, Redondela), SonRías Baixas (Bueu), Atlantic Fest e Revenidas (ambos en Vilagarcía de Arousa).