Chega unha nova edición do Festival das Artes Escénicas Special Olympics 2023

25 Maio 2023

O martes 30 de maio, comeza en Pontevedra unha nova edición do Festival de Artes Escénicas, unha celebración da cultura e da inclusión, promovida por Special Olympics Galicia. 

Este festival de impulso social considera a arte, nas súas diversas manifestacións, coma un potente elemento de inclusión social, xa que favorece a integración e contribúe a romper estereotipos.

Apoiamos iniciativas coma esta pola súa intensa carga social, artística, emocional e en defensa da igualdade das persoas. Ademais, promóvense e adaptan os programas didácticos ás capacidades de cada persoa facendo, así, accesibles os contidos e actividades que teñen ás persoas con capacidades diferentes como protagonistas, poñendo o foco nas súas habilidades e favorecendo unha visión positiva da sociedade.

O festival dará comezo o 30 de maio, na Sede Afundación de Pontevedra, coa representación a cargo da Fundación Adcor de ‘A volta ao mundo en 80 días’.

Continuará o 14 de xuño, no Auditorio do Teatro Afundación de Vigo, con Aceesca e as súas dúas agrupacións artísticas: Aceescatro Teatro, que representará ‘Pachulaeu’ e ‘Cabauñas’, e Aceescafolk, que ofrecerá funcións de canto e baile galego e baile moderno.

Finalmente, o festival porá o seu punto e final na Sede Afundación da Coruña o xoves 15 de xuño coa representación de ‘Romeo e Xulieta, hoxe’ a cargo do Centro Méndez Núñez.

Colle as túas entradas gratuítas en www.ataquilla.com.

Organizan | Afundación, Obra Social ABANCA e Special Olympics Galicia

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA