Eliades Ochoa actuará este venres no Auditorio Mar de Vigo

Fin de semana estelar no Auditorio Mar de Vigo co fin de xira europeo de Eliades Ochoa e a mellor homenaxe a Mecano con ‘Hija de la Luna’

9 Novembro 2023

  • Eliades Ochoa pecha a súa xira europea no Auditorio Mar de Vigo onde repasará os os grandes éxitos do proxecto Buena Vista Social Club, así coma os temas do seu novo disco, ‘Guajiro‘
  • ‘Hija de la Luna’, a mellor homenaxe a Mecano protagonizado por Robin Torres, para lembrar e bailar cun novo espectáculo baseado na icónica xira de Mecano, ‘Descanso Dominical’
  • As entradas para ambos eventos están á venda a través de www.teuticket.com

O Mar de Vigo prepárase para recibir esta fin de semana un impactante dobre evento que promete elevar a experiencia musical en Vigo. Eliades Ochoa, o virtuoso artista cubano, membro fundador de Buena Vista Social Club, tomará o escenario este venres 10 de novembro nunha cita na que estará pechando a súa xira europea co seu novo traballo ‘Guajiro’, recollendo a testemuña do inesquecible directo que vivimos con Manolo García hai un par de semanas.

A continuación, o sábado 11 de novembro, o espectáculo “Hija de la Luna”, encabezado pola talentosa Robin Torres, levará a cabo a mellor homenaxe a Mecano, convidando o público a lembrar e bailar ao ritmo dos éxitos atemporales.

O venres, Eliades Ochoa, aclamado pola súa mestría na guitarra e a súa inconfundible voz, pechará a súa xira europea no Mar de Vigo. O seu novo traballo, ‘Guajiro’, será o centro de atención, transportando á audiencia a través dos sons auténticos da tradición musical cubana, pero tamén haberá oco para repasar os mellores clásicos da súa época como membro fundador do Boa Vista Social Club. Ochoa deixou unha marca indeleble na escena musical global, e a súa actuación promete ser unha celebración da diversidade e riqueza da música cubana en Vigo.

O sábado, o escenario iluminarase con ‘Hija de la Luna’ a mellor homenaxe a Mecano protagonizado pola talentosa Robin Torres. Unha viaxe nostálxica a través da xira máis importante da carreira de Mecano, “Descanso dominical”, que non só foi o seu disco máis vendido, senón que os catapultou á fama e consolidounos como a lenda que son hoxe para tantas xeracións. O público non só lembrará, senón que tamén poderá bailar como nos vellos tempos, mergullándose na maxia dunha época inesquecible.

Ambas as actuacións prometen unha experiencia única para os amantes da música e aqueles que buscan mergullarse na maxia da arte en directo. Eliades Ochoa, coa súa herdanza cubana, e ‘Hija de la Luna’, coa súa homenaxe vibrante a Mecano, garanten unha fin de semana chea de emocións no Auditorio Mar de Vigo.

As entradas para ambos eventos poden mercarse través de www.teuticket.com.

Está pasando!

sáb18maiConsultarXXV Festival Internacional de Títeres de RedondelaMemorial Juanjo Amoedo(Consultar: sábado) Redondela

sáb18mai11:00‘Festa da Lingua’ en Pontevedra17 e 18 de maio de 202411:00 Pontevedra

sáb18mai20:00Concerto de Corais das Letras Galegas en BueuLetras Galegas 2024 en Bueu20:00 Bueu

sáb18mai20:00'Corentena', Perdomo e Touriñán en directo en PontevedraUn espectáculo de David Perdomo e Xosé A. Touriñán 20:00 Pontevedra

VER MÁIS AXENDA