Iván Ferreiro e Leiva actuarán en Pontevedra o próximo 23 de agosto

10 Agosto 2023

  • A dobre cita realizarase na chaira do Recinto Feiral de Pontevedra
  • As entradas sairán á venda este venres ás 12:00 horas en entradasatualcance.com e esmerarte.com

O próximo mércores 23 de agosto a cidade de Pontevedra recibirá un dobre concerto de dous dos artistas máis recoñecidos do panorama nacional: Iván Ferreiro e Leiva.

O espazo que acollerá os recitais será a chaira exterior do Recinto Feiral de Pontevedra. As entradas sairán á venda este venres 11 de agosto ás 12:00 horas e irán por tramos a medida que se esgoten as cotas dispoñibles: desde 25 euros a 45 euros.

Iván Ferreiro presentará o seu novo álbum ‘Trinchera Pop’ en directo: En el alambre, La humanidad y la tierra, En las trincheras de la cultura pop, Miss Saigon… E todas as súas cancións máis emblemáticas.

En escena estará acompañado da súa banda habitual, Pablo Novoa ás teclas, Ricky Falkner ao baixo, Xabier Molero á batería, Sergio Martinez nos teclados e programacións e con Emilio Saiz e Amaro Ferreiro ás guitarras.

Leiva está a finalizar a xira do seu último disco: Cuando te muerdes el labio, concertos que garanten un sólido, humillante e épico espectáculo de rock en directo, capitaneadas por un Leiva que irradia magnetismo e demostra por que está nun momento cume da súa carreira, coméndose o escenario xunto á Leiband, nun irrepetible exercicio de enerxía, comuñón e complicidade co seu público.

Consegue as túas entradas en entradasatualcance.com e esmerarte.com que estarán dispoñible desde este venres 11 de agosto ás 12:00 horas a partir de 25 euros.

Está pasando!

mér01maiConsultarFestival ACIGA en PontevedraAsociación de Cerveceiros Indepententes Galegos Artesáns(Consultar: mércores) Pontevedra

mér01maiConsultarFesta dos Maios en RedondelaConcello de Redondela(Consultar: mércores) Redondela

mér01mai11:00Festa dos Maios en Pontevedraconcello de pontevedra11:00 Pontevedra

mér01mai17:00VIII Andaina Saudable e Solidaria en CambadosAsociación Mulleres Rurais de Castrelo ‘As Saiñas’17:00 Cambados

VER MÁIS AXENDA