L0rna, El Virtual e Fresquito y Mango | Marisquiño

L0rna encabeza as primeiras confirmacións do festival Marisquiño xunto a El Virtual e Fresquito y Mango

20 Maio 2026

  • Unha das voces máis magnéticas e disruptivas do momento actuará na próxima edición do festival, que se celebrará do 6 ao 9 de agosto en Vigo.
  • El Virtual e Fresquito y Mango completan un avance musical marcado por algunhas das novas sensibilidades da escena urbana estatal.
  • Os tres artistas chegan da man de Jägermusic, o programa musical de Jägermeister, patrocinador do festival.

Marisquiño presenta o primeiro avance do seu cartel musical para a edición 2026, que se celebrará en Vigo do 6 ao 9 de agosto, con tres das propostas máis singulares e persoais da nova escena urbana.

L0rna encabeza estas primeiras confirmacións, onde tamén figuran El Virtual e Fresquito y Mango, tres proxectos distintos, con imaxinarios propios, que axudan a entender como está a evolucionar a música urbana española.

Con L0rna como unha das voces máis magnéticas e disruptivas do momento, este primeiro avance complétase co universo emocional e introspectivo de El Virtual e o pop urbano e desprejuiciado de Fresquito y Mango. Trap, rap, melodías pop e cultura dixital conviven nunha proposta que debuxa o retrato dunha xeración capaz de mesturar estilos e referencias con absoluta naturalidade.

Os tres artistas chegan da man de Jägermusic, o programa musical de Jägermeister, que leva máis dunha década impulsando o talento emerxente e construíndo un espazo onde conviven a experimentación, a diversidade e o apoio real a quen empeza a abrirse camiño na música.

As Illas Cíes como pano de fondo

A programación musical forma parte da identidade de Marisquiño, un festival único que cada verán converte Vigo nun punto de encontro internacional para miles de afeccionados aos deportes de acción e a cultura urbana.

Os concertos, DJ set e batallas de Freestyle Rap desenvolveranse na contorna da praia de Samil, un enclave privilexiado fronte ás Illas Cíes e consolidado como epicentro do festival, onde tamén se celebran a maior parte das competicións e exhibicións deportivas.

Marisquiño irá desvelando proximamente a programación completa desta edición, enteiramente gratuíta. No ámbito musical, a proposta será este ano aínda máis aberta e pensada para a diversidade de públicos que asiste ao festival.

Está pasando!

mér20mai19:00Festival Pint of Science en Pontevedra19 e 20 de maio de 202619:00 Pontevedra

mér20mai20:00Proxección de 'Altas luces' en VilagarcíaCine Clube Ádega & Festivala20:00 Vilagarcía de Arousa

mér20mai20:30mér22:00Ensaios do ‘Aquí Cántase 2026’ en PontevedraDo 6 de maio ao 5 de agosto de 202620:30 - 22:00 Pontevedra

mér20mai20:30Concerto de Camerata Arven en PontevedraSociedad Filarmónica de Pontevedra20:30 Pontevedra

VER MÁIS AXENDA