Máis de 2000 persoas van a participar o 31 de decembro en Pontevedra na San Silvestre máis Silvestre

27 Decembro 2021

A San Silvestre máis Silvestre pecha as inscricións en web cun bo rexistro. Máis de 2000 persoas van a participar o 31 de decembro, en total 2092 inscritos.

As inscricións realizábanse por quendas horarias. En total son 17 saídas cada 20 minutos de 150 persoas por saída; polo que os que participan teñen que escoller o horario que lles viñese mellor. Os horarios da tarde tiveron enseguida éxito e foron os primeiro que se encheron, destacando o horario orixinal da carreira, ás 17:00h, que foi o que máis rápido chegou aos 150 participantes.

Pola mañá, tardaron máis en encherse pero tamén algunhas quendas conseguiron cubrir o cupo.

As quendas que aínda teñan ocos, seguen abertas pero as inscricións faranse de xeito presencial a partir do luns, 27 de decembro. A xente só se poderá inscribir nos horarios que non están cheos.

Poden facelo co mesmo horario que a recollida de dorsais. Dende o luns, 27 ata o xoves 30 de decembro na Casa da Luz, en Pontevedra. O horario será de 10:30h ata ás 13:30h pola mañá e de 16:30h ata ás 19:30h pola tarde.

No momento de recoller o dorsal, os inscritos poden aportar voluntariamente 1€ como xeito de agradecemento á organización. Ademais, os encargados de dar os dorsais entregarán a camiseta da San Silvestre máis Silvestre a cambio dun quilogramo de produtos alimenticios non perecedoiros, que se doarán ao Banco de Alimentos. Lembramos que só poderán participar no evento os que teñan dorsal visible.

Está pasando!

sáb27abrConsultarLXIV Festa da Lamprea de Arbo 26, 27 e 28 de abril de 2024(Consultar: sábado) Salvaterra de Miño

sáb27abrConsultarPortonovo GastronómicoDo 26 ao 28 de abril de 2024(Consultar: sábado) Sanxenxo

sáb27abr12:30Festival Galegote Rock en PontevedraFestival de bandas galegas con letras en galego12:30 Pontevedra

sáb27abr20:00Pontevedrada 2024marcha nocturna e ininterrompida a pé20:00 Pontevedra

VER MÁIS AXENDA